sideBar



zomi aw lung lau ken!

NEWS Zomi News
BLUE GREY RED
Zomi News

Norway ah Zomi Khuado Pawi 2013 KIbawl Ding

PDFPrintE-mail

Last Updated on Friday, 20 September 2013 21:34 Written by Tongsan Admin Monday, 16 September 2013 14:03

photoKumsim a kibawl den Zomi Khuado Pawi pen gam tuamtuam ah a kibawl mah bangin Norway gam a om Zomi Innkuan Norway (ZIN)te in zong hong tung ding October 11-12,2013 (Saturday) ni ciangin, Norway leitaw lam a om Egersund khuapi gei a om Lunden Leir og Fritidssenter munah nopcitak bawl ding uh cih kiza hi. Tua hun sungah Kawlgam pan Rev. Dr. Dam Suan Mung (Pastor of Full Gospel Assembly, Yangon) zong kihelthei dinga, hun sung khempeuh ah Thugenna (Sermon) dingin kicial cih kiza hi. 
 
Tua banah Khuado pawi hun sungah Lasak pawi (Sing Song Service), Khuado lapite, Zolaam vui le kimawlna tuamtuam ahi Volleyball, Football, Table Tennis le Khau kisuhna cihte zong kinei ding ci hi. Norway Zomite sungah Norway University te pan sangzo Lukhu nelkai ngahte ZIN min tawh Pahtawina le Lungdampihna Laipi kipia ding cih ZIN vaisaite in kiang pan kizasawn hi.
 
Ref: ZIN Makaite
Posted: Tongsan Media Group
 

ZIA in Zomi Khuado Pawi 2013 Thupitak Bawl Ding

PDFPrintE-mail

Last Updated on Monday, 16 September 2013 13:16 Written by Tongsan Admin Monday, 16 September 2013 13:08

a64b86dda4186d2e8bfe6c91236f78e3

Zomite minam kician khat i hih mah bangin ngeina pawi tuamtuam i neihna sungah kumsim a kineiden ahi Zongeina Khuado Pawi pen tukum 2013 zong Zogam bek hi loin, Zomite' tunna leitung gam tuamtuam ah kibawlsawm cih kiza hi. Thu banga kibawlsawmnate sungah USA gam Georgia State, Atlanta khuapi a om Zomi Innkuan Atlanta (ZIA) te makaihna tawh hong tung ding September 21- 28, 2013, hun sung thupitak nei ding uh cih ZIA makaipi Pu Thawng Cin Lian tungtawn in kizasawn hi.

Tua khuado pawi sungah Bawlung kidemna, Music Concert le Zongeina Laam tuamtuam zong om ding ci hi. Bawlung kidemna-ah Zomi Innkuan Atlanta (ZIA), United Zo Organization (UZO), Hakha, Falam, Karen, Karenni, Matupi leh Zotung cih bangin minam tuamtuam te kihel ding uh hi. Bawlung kidemna pan a Khatna (Champion te USD 800 + Cup + Medals kipia dinga, anihna te USD 300 le Medal le Kungpang siampen, Kungmai dalna ah asiam pen, Alai kah asiam pen, Amai kah asiam pen, kimawl sung khempeuh a siampen leh Goals tam khum penpente cih bangin pahtawina limcitak kipia ding cih kiza hi.

Music Concert pen October 19,2013 ni-in Clarkston Community Center ah kibawl ding a,Atlanta khuapi sunga om Kawlgam minam tuamtuam pan lasiam khempeuh in zai ziahziah ding ci hi. Hih Atlanta Zomi Khuado Pawipi ah Bawng 2,Vok 1, Ak luang 30 leh mehlim tuamtuam kibawl zihziah ding ci hi. Tua banah Atlanta a om Zomite' sungah kumkhat sung tawntung pahtawina tuamtuam angahte ZIA min tawh lungdampihna laipi kipia ding cih kiza hi.

Ref: ZIA Makaipite' Tangkona pan

Posetd: Tongsan Media Tanute

 
 

Zomi Gospel Concert USA 2013 Thupitak Kibawl Ding

PDFPrintE-mail

Last Updated on Monday, 16 September 2013 14:42 Written by Tongsan Admin Sunday, 15 September 2013 21:12

555603 406386592794714 1473820233 n

Rev.Dr.Chin Do Kham' makaih Global Outreach and Commuinity Development ii innteekna tawh "Zomi Gospel Concert USA 2013 "cih lasakna pen September 21,2013 (Saturday) nital lam (6:30PM) hunin Union High School- Preforming Arts Center,Tulsa,OK,USA ah nasiatak kinei ding cih vaihawm makaipi Dr.Do Kham' tungtawn in kizasawn hi. Tua lai ah lasa dingin Kawlgam pan Lia Niangpi (Zomi Idol 2011),Pu Lengtong Kamkhen (Zomi Ciamnuih siam) le Norway pan Tg. JKKam te sam uh a, mauteng in zong USA Visa ngah bek tham loin, USA cidam in tung kim khinta cih zong Dr.Do Kham in gen hi.

Tua banah hih Zomi Gospel Concert USA 2013 ah music lam tawh kisai Tulsa khuapi sunga om Zomi tumging siam khangnote in zai ding uh a, lasa dingin a nuai a miteng kihelthei ding ci hi. 

1). JK Kam (Norway)
2). Niangpi (Zomi Idol 2011)
3). Lentong Kam Khen (Chairman leh lasa ding)
4). Kimpi (Family Gospel )
5). Sangi (Family Gospel)
6). Mary Kham (Dr.Do Kham tanu)
7). Lianpi (USA)

8) Suan No (ZBCM lasiam)

9). Suih Lun (Sower Sister)
10). Zam Dim ( EBC-USA
11). David Pau No (MV)

Hih Gospel Concert USA 2013 ah USA gam sung a om Zomite le adiakdiak in Tulsa khuapi sung a om Zomite mipi 2000 kim i kikhopna ding tutna nei Hall khat kikawm khin cih zong genbeh hi. Tua banah hih "Zomi Gospel Concert USA" cih pen abeisa 2012 kum in Tulsa khuapi mah ah a khatveina kinei khin-in, mipi 700 val kipaikhawm thei ci hi. Tua hun a VIDEO zong a sawtlo in kihawmkhia ding cih Dr. Do Kham in genbeh hi.

Tua banah Global Outreach and Community Development innteekna mah tawh abisa September 14,2013 (Saturday) ni sun lam (12:30- 5:00Pm) sung teng America gam ah Nuntak Khuasak Zia-"Life in America Seminar" cih thulu tawh Thusinna (Seminar) pen Oral Roberts University huang sung aa CityPlex Towers nuai nung pen Auditorium Hall sungah nuamtak kineithei cih kiza hi. Hih "Life in America Seminar" cih a khatveina thusinna pen abeisa 2012 kumin Tulsa khuapi mahah nei khin uh a, Zomi 320 kihelthei cih Dr. Do Kham tung pan mahin kizasawn hi. 

Thusinna tawh kisai-in thulu tawh kizui pilna leh siamna nei American Siate vive in thusinna neihpih uh ci hi

1). American te naupang pattah zia
2). American leh Zomi te ngeina ki lamdan na te
3). Immigration tawh kisai thu tuamtuam (nu leh pa, zi leh ta te sap zia)
4). Cidam na tawh kisai theih huai thu te
5). American te nasap silbawl zia


Ref: Chin Do Kham, D.Min., Ph.D.
Posted: Tongsan Media Group Tanute

1185367 10151596096250474 2015224199 n

 
 

Page 87 of 286

TONGSAN Video

TONGSAN Photo Gallery

TONGSAN Weekly Journal

Who's Online

We have 286 guests online
Joomla Templates and Joomla Extensions by ZooTemplate.com