zomi aw lung lau ken!

NEWS Zomi News
BLUE GREY RED
Zomi News

Bishop Felix Lian Khen Thang USA Hawh

PDFPrintE-mail

Last Updated on Friday, 26 July 2013 12:06 Written by Tongsan Admin Friday, 26 July 2013 11:58

0725bishop

Global Zomi Alliance (GZA) Vice President leh Kalay Diocese Bishop Felix Lian Khen Thang pen abeisa July 22,2013 ni-in Kawlgam pan US ah zin a, July 23, 2013 (8:00Pm) hunin Washington D.C Area a om Zomite tawh BBC biakinn ah kimuhkhopna leh holimna nuamtak nei thei uh cih kiza hi. Tua lai ah Bishop pa in Pasian thu, gam leh minam thu pilna thu leh thu tuamtuam genna nei-in mipite in thangah thei mahmah ci-in Thomas On Sian Mungin gen hi. D.C Area a om UZO-D.C kipawlnate in Vok khat tawh Bishop pa vaimuakna nei-in, nitak ankuang umkhopna neihpih uh cih kiza hi. 

 
Ref: Pa Thomas OSMung, Zomi D.C News 
Posted: Tongsan Tanute
 
 

A 3 veina ZMFUSA Khawmpi Kipan Ta

PDFPrintE-mail

Last Updated on Friday, 26 July 2013 14:01 Written by khampeek Friday, 26 July 2013 11:28

999833 10201451870516063 1392224741 n
 
A 3 veina Zomi Ministers Fellowship of USA (ZMFUSA) khawmpi pen July 25-27,2013 sung Sizang Baptist Mission Church, Washington DC ah kinei thei in, sun thusinna le nitak sim biakpiak kikhopna nopcitak kinei cih kiza hi. A ni masa July 25,2013 ni Zingsang hun masa ah Dr. Chin Khua Khai, Full Life Mission Church, CA, in  "Pasian gam cih " thulu tawh thusinna neihpih hi.Dr. Hun nihna & Hun thumna ah Dr. JM Paupu in zomto pahin "Pasian nasemte kisap, kitapkhapna leh Lungnemtak a Ngakna " cih thulu tawh thugenna nei hi. Nitak hun ah Siama Lucy Dimnu in (Mrs. Dr. JM Paupu) in "Pasian nasemte leh Innkuan Cihtakna cihte le Nung thuap/zalaih ding Gelkholna " cih thulu tawh thusinna kinei thei hi. Hih thulu thum teng pen Pasian nasemte sungah akisam mahmah thuteng ahih manin, thusin Sia/ Siamahte in thangah thei mahmah cih thu Rev. H. Thang Hum (Secretary of ZMFUSA) tung pan kizasawn hi.
 
Tutung ZMFUSA khawmpi ah US gam sung State 10  val pan Pasian nasem pastor 40 bang kipai khawmin tuate khempeuh sung pan a khangham penpen Joshua Ngin, (Sia Nginpi)) zong a innkuanpih nu tawh kihelthei ahih manin thangahna lian semsem lai ci hi. Tua banah tutung thusinna tungtawn in theihbeh leh sinbeh thu tampi om ahih manin, ZMFUSA min tawh Kawlgam lam Zomite haksatnate zong panpih theihna ding kikupna kinei thei hi.Abeisa kum sungah Tedim ham sungah Memcipna le Myanmar Bible Society te huhna kipuak cih zong Sia Thang Hum in genbeh hi.
 
Hih ZMFUSA pen Pasian thukimna tawh abeisa 2010 Cope Jubille pawipi Tulsa khua pan kiphuankhia ahih manin, tu-in a thupitna le amanphatna kitheikhia semsem bek tham loin, USA a om Pasian nasemte ki-itna le kipumkhatna khangsak semsem cih thu kiza hi. Zomi te abeisa hun in pawlpi upna, sanzia leh pai zia tuamtuam kibatlohna tampi a om hangin, tu-in muhna, telnate thuk semsem ahih manin pawlpi khat, kipawlna khat peuh cianglel tawh kibuai nawnlo bek tham loin, Pasian gam zaina dingin kipawlkhopnate kineithei ta hi. Mai lamah zong hih sang khauhpai zaw a mapankhop ding le  a zaizaw a sepkhiat zawhna ding hanciamna kinei ding cih zong Sia Hum in Tongsan tanute tungah gensawn hi. 
 
Tutung a 3 veina ZMFUSA khawmpi ah July 27,2013 ni ciangin panmun len kiteelna zong om dinga, tua khit ciangin Washington DC kim ah mun thupi tuamtuam etkhopna zong kinei ding ci hi. July 28, 2013 nitak lamah DC kiim a om Pawlpi 7 te ah Siate a bawngbawng in kikhen dinga, hunzatna le thapiakna kinei ding ci hi. Tutung ZMFUSA khawmpi pen Sizang Burmese Mission Church te in anek tuidawn akipan giahna khawlna ding mi 40 omtheihna Hotel nuam mahmah geelsak uh cih kiza hi.
 
Tua banah Siate kisapnate a huhthei dingin SBMC pawlpi Upate leh khangno te nai 24 tawntung abaihsa (Standby) in om den uh ci hi. Zin le leeng do dan tawh kisai ah hici zaw leh cih omlo in zindo siam mahmah uh ci-in Sia Thang Hum in genbeh hi. ZMFUSA khansawt in minam le Pasian gam thupitna suak semsem ta hen. 
 
Thupuak: Rev. J. Thang Hum
 Posted by: Tongsan Tanute
 
 

Tongsan Media pan Dahpihna

PDFPrintE-mail

Last Updated on Wednesday, 24 July 2013 22:46 Written by Tongsan Admin Wednesday, 24 July 2013 18:07

1069288 4637148220408 2020723632 nKawlgam, Monyua khuapi ateeng Rev.Cin Khan Thang @ Sia Thangpu (Senior Pastor of Haleluijah A.G), Monyua le Sianu Hau Khen Cing te' tanu upen Nu Ciin Lam Lun (a) Lunno (Kum-40) kim, Gospel laphuak / lasa siam Tg. Sangpi i U nu in, Sin natna tawh July 23,2013 ni ( 2:00 Am) hunin Yangon zatopi pan tawntung pa Pasian kiang hong ciahsan cih kiza ahih manin, anusiat Innkuanpihte tawh kibangin Tongsan International Media Group pan Dahpihna i pulak hi. Nu Lunno nusiatna hang lungsim gimte khempeuh tungah Khasiangtho Pasian in a lamdang in thuaksiamna le telsiamna thupha na tungsak ta peuh hen.

Nu Lunno pen a Sin natna hang mahin abeisa June kha sungin Mandalay Zatopi ah tawl khat kibawl in, Singapore a om a lawmpa zong sam uh ci hi. Tua lai pan hong nuamtuam zaw cih kiza kim lai Yangon zato pan hong nusiat vat ciangin, nuntakna hong kawm i biak Topa Pasian thuneihna sungah i lungkim ciat ding hong suak hi. Nu Lunno luanghawm vui hun ding kitheician nailo ahih maniin, ahun zui-in, Tongsan Group mah pan hong kisuahkhia zel ding kilamen hi. Tua banah thukizakna dan abat le anaupa lasa siam Tg. Sangpi zong July 2013 kha bei kuan pawlin Norway gamah Zomi, Laimi, Kachin, Karen, Kawlgam mite tawh Crusade bawl dingin apai sawm laitak cih kiza ahih manin, a maban ah Pasian in a hoih penpen in lampi ahonsak teiteina ding Thungetna ah phawk ciat ni.

 

Source : Tongsan Group mail

Posted : Tongsan Tanute 

 
 

Page 87 of 267

TONGSAN Video

TONGSAN Photo Gallery

TONGSAN Weekly Journal

Who's Online

We have 1311 guests online
Joomla Templates and Joomla Extensions by ZooTemplate.com