sideBar



zomi aw lung lau ken!

NEWS Zomi News
BLUE GREY RED
Zomi News

Tongsan Media pan Dahpihna Thupuak

PDFPrintE-mail

Last Updated on Saturday, 23 February 2013 14:05 Written by Tongsan Admin Saturday, 23 February 2013 13:08

DSCF0070Zogam, Tedim gamhuam Thangzang khuami Pa Vungh Lam Mang leh Nu Ciin Khaw Nian' (Aye Thaza Village, Kalay Tsp.,) te' tapa nihna Pa Dai Lo Pau, Gualnam beh, Marshalltown, Iowa State, USA  ii a it mahmah a zi Muizawl khuami Nu Ning Deih Kiim @Kiimnu (Kum-23), Hatlangh beh USA in February 22,2013 ( 4:00PM), USA huin a omna inn pan hong nusia cih kiza hi. A Amau nupa in ta nei nailo uh a, nu Kiimnu i gilsung ah a nauno Kha 7 (pasal no) aphak laitak ci hi. A nusiat zia bel alawmpa nasepna pan inn a tun kik ciangin a tuibuk kisilna kuang sungah a khuplam tawh sisa in na om cih thu a pasal Pa Dai Lo Pau in Tongsan tanute' tungah genkhia hi.
 
A pasal in a genna-ah, " Police (911) te ka zasak a, amau zong hong tung pahin manlang takin Zato lam hong puaksak pah " ci hi. Zato tun zawh a sawtlo in Doctor pa in," Na zi pen ka bawltheih tawp uh tawh ka bawl hangun hizo nawnlo ahih manin hong nusia ta " ci-in a lawmpa tungah zasak ahihna gen hi. Pa Dai Lo Pau in a genbehna ah, " Ka zi pen a beisa hunin sibup natna khat nei ngei ahih hangin, hih bangzah ding ummawh keng " ci-in gen hi. Tua banah hih bang a hong nusiat ma deuhin zong a inn vengte tawh Phone kihopih thei lai cih thu a veengte in gen uh ci hi.
 
Nu Kiimnu luanghawm pen Zato lam Doctor te in  ennuam / velnuam uh ahih manin a omna Marshalltown pan nai khat bang motor kihawlna Des Moines Zatopi ah kipuak ci hi. Sihvui hun ding tawh kisai tuciang bang mah kivaihawm thei nailo ahih manin, Marshalltown, Iowa ah Zomi biakpiakna ZCF pawlpite tawh ahithei bangin vaihawm khawm ding cih thu Pa Dai Lo Pau in Tongsan Tanute tungah genbeh hi. Nu Kiimnu i nusiat a it mahmah a pasal Pa Dai Lo Pau le Kawlgam lam a om  a dah akap nu le pa, sanggam laizomte tawh kibangin Tongsan International Media Group pan Dahpihna i pulak hi. A nusiat a diakdiak in a pasal Pa Dai Lo Pau le adah akapte khempeuh Pasian Khasiang thon hehnepna bukim na pia hen.
 
Note: Pa Dai Lo Pau hopih nuamte in Telephone:(641) 351-0379 ah kisamthei ding hi.

Dahpihna hun sungah,
 
Tongsan International Media Group
Headquarters
Kalaymyo, Zogam
 
 

Zomi National Dialkhai (Flag) Kihawmkhia Ta

PDFPrintE-mail

Last Updated on Saturday, 23 February 2013 00:41 Written by Tongsan Admin Friday, 22 February 2013 23:11

130221port2

Zosuante' sungah nam vai kipumkhatna ding ngimna tawh kiphuan khia Zomi Re-unification Organisation (ZRO)te' bawlkhiat Zomi dialkhai (Zomi National Flag) pen ZRO te' phalna tawh Zomi Association United State (ZAUS) in copy khiata uh hi. Adiak in USA gamsung a om Zosuante sungah azang nuam le akemcing nuamte ading deihsakna tawh Copy bawlkhia uh ci hi. Hih i Zominam dialkhai pen abeisa 1993 kum in ZRO makaihna tawh kibawlkhia ahi hi. Zomi Re-unification Organisation (ZRO) i ngimna bulpi pen India, Myanmar, Bangladesh gam thum ah akithehthang tualmi ahi Zosuan tate khempeuh kigawm tuahkik theihna ding ngimna tawh kiphuankhia le tuni dong nasem uh ahi hi.

Tua ahih man in hih ZRO le Zominam Dialkhai pen sim le maal Zosuan khempeuh agawm tuahnuam kipawlna leh mimal khempeuh i Minam dialkhai taktak bektham loin Zomi salpha thautawi kipawlna thupi pen zong ahi hi. Tua banah hih Zominam Dialkhai pen Zomi Revolutionary Army (ZRA) Camp tuamttuam te le India lam a om Zosuante namvai kipawlna lianpen ahi Zomi Council (ZC) nuai ah mapangkhawm anuai namhiang (Tribes) kipawlnate in Minam Dialkhai dingin kizangkhawm thei ta hi.

Zomi Council (ZC) nuai a om Zosuan Namhiang Kipawlnate:

(1) Paite Tribe Council (TPC)
(2) Vaiphei Peoples’ Council (VPC) Sihzang
(3) United Zou Organisation (UZO) Zo
(4) Teddim Chin Union (TCU) Tedim
(5) Mate Tribe Council (MTC)
(6) Thangkhal Peoples Orgn (TPO)
(7) Simte Tribe Council (STC)
(8) Kom Union Manipur (KUM)
(9) Gangte Tribe Council (GTC)

Zomi Association United State (ZAUS) in hih Zominam dialkhai copy hawmkhiatna leh ngimna bulpi pen summet a pung ngaihsutna hi loin, Zomi Re-unification Organisation i lungtup leh ngimnate thupi ngaihsut in a pompihna hang ahi hi. Tua banah Zo minam bupin minam dialkhai khat zangh khawmin, neihcing khawmna ding deihna bulpi tawh a bawlsawn (Copy) uh ahihi. Zominam dialkhai akem cingnuam leh adeih alei nuamte in Oregon leh Washinton State, USA ah $ 30 kim-in kingahding a, mundang State te ahih leh akhak man tawh $ 35 kim tung ding hi. A vaikhak / a leinuamte in anuai a Address te ah kizomthei den ding cih kiza hi.

Contact Address:

KhaiPian PortLand Oregon State
Email - This e-mail address is being protected from spambots. You need JavaScript enabled to view it
Pa Tual Oklahoma State
Email - This e-mail address is being protected from spambots. You need JavaScript enabled to view it
Davic Khai Newyork State
Email - This e-mail address is being protected from spambots. You need JavaScript enabled to view it
Mungpi Atlanta
Email - This e-mail address is being protected from spambots. You need JavaScript enabled to view it
This e-mail address is being protected from spambots. You need JavaScript enabled to view it

ZRO lungtup hih mun ah hawh lecin, kicingtak in kisimthei hi.  http://www.zogam.org/organisation.asp?article=organisation_36
Zomi Revolutionary Army (ZRA) Camp Muvanlai ah Zomi nam dialkai (ZomiNationalFlag) leh India gam dialkai (India Flag) kikhai khawm hihmun ah navel sak in.

ZRA Phualpi Thak "Camp Muvanlai" kihongta

 

Source by: ZAUS Info. Team

Posted by: Tongsan Tanute

 
 

Ph.D Degree Ngah thak Zomite Pahtawina Kipia

PDFPrintE-mail

Last Updated on Saturday, 23 February 2013 00:47 Written by Tongsan Admin Friday, 22 February 2013 21:15

ZOMI INNKUAN USA
ZOMI COMMUNITY USA
Oklahoma, Florida, Washington DC, Illinois, Texas, Ohio, Oregon, Iowa, Indiana, Utah, Georgia, Arizona, Missouri, Kansas, Michigan, New York, W. Virginia, Pennsylvania, Nebraska, Colorado, California, Washington, North Carolin
ziusa
Executive Committee
Thupulakna (Press Release)
 
Ph.D. Degree angahthak Zomi Mipilte Pahtawina
 
Zomi Innkuan USA kipawlna in, leitung ah pilna sang pen ciaptehna ahi, Doctor of Philosophy (Ph.D.) degree angah Zomi Mipilte pahtawina pen 2013 kum Zomi Nam Ni in kibawl zo hi. Zomi Innkuan USA kipawlna in Ph.D. degree angahthak Zomi Mipilte pahtawina pen 2007 kum a kipan a kipan hi a, tutung in a (3) veina hita hi. Kongzing kigamla in vaihawmna haksa ahih manin,Pahtawina pen Zomi Innkuan Oklahoma kipawlna innteekna tawh, US gam a Zomi-te khuapi, Tulsa khuapi ah a kibawl Zomi Nam Ni muakna pawipi sung a kipiakhia ahi hi.
 
Tutung in, Ph.D. degree angahthak Zomi Mipil (7) pahtawina kipia hi. Zomi Nam Ni Zinmangpi in apang, Ph.D. degree angahthak, Dr. H. Kham Khan Suan in pahtawina angah Zomi Mipil teng tang’in, Pahtawina Mualsuang (Plaque) hong san’sak hi.
 
Pahtawina angah, Ph.D. degree angahthak Zomite;
 
(1) Dr. Gin Lian Mung, Ph.D. (Philosophy), University of Pune, India. Sept. 2008
(2) Dr. H. Kham Khan Suan, Ph.D. (Political Science), Jawaharlal Nehru University, New Delhi, India. June 1, 2010
(3) Dr. Dim San Nuam, Ph.D. (Physics), University of Yangon, Myanmar. 2010
(4) Dr. Mang Uap, Ph.D. (Botany), University of Yangon, Myanmar. March 2011
(5) Dr. Don Sian Man, Ph.D. (Botany), Dagon University, Myanmar. August 2011
(6) Dr. Luan Za Ciin, Ph.D. (Electrical Engineering), Mandalay Technological University, Myanmar. 2011
(7) Dr. Zam Dongh, Ph.D. (History), University of Mandalay, Yangon. Jan. 7, 2012
 
Pahtawina hun sung ah mimal in ahong kah theilo Zomi Mipilte tung ah Pahtawina Mualsuang (Plaque) kipuak ding hi. Ph.D. degree angahthak Zomi-te thu le late kaihkhopna kicing nailo ahih manin, pahtawina pen Zomi Innkuan USA kipawlna 2013 kum Kumcin Khawmpi ah kizomlai ding hi. Zomi-te hong khamuangsak in, minam hong lamto Zomi Mipilte, Zomi Innkuan USA kipawlna min tawh zahtakna pia in, ka hong pahtawi uhhi.
 
Executive Committee
Zomi Innkuan USA
 
Tulsa, Oklahoma, USA
February 22, 2013
 
Theihsakna:
- Pahtawina piakna meelmuh tongsan pen asawtlo in Online ah kisuaksak ding hi.
- A beisa hun a Pahtawina piakna meelmuh tongsante anuai a YouTube ah ki-enkik thei hi.
 
A Nih Veina: 2009
 
 

Page 155 of 284

TONGSAN Video

TONGSAN Photo Gallery

TONGSAN Weekly Journal

Who's Online

We have 302 guests online
Joomla Templates and Joomla Extensions by ZooTemplate.com