zomi aw lung lau ken!

NEWS Zomi News
BLUE GREY RED
Zomi News

Zomi Nam Ni 2013 Vai Washington D.C pan Thupulakna

PDFPrintE-mail

Written by Tongsan Admin Monday, 18 February 2013 14:27

 
 
Zomi Innkuan Washington D.C (Zomi D.C)
Thu pulaakna /Declaration (01/2013)
Dated: February 16, 2013
 
A Thu:      : D.C Area, USA ah 2013 Zomi Namni bawlna ding vai Zomi Innkuan D.C pan Thuzaksakna leh Thupulaakna:
 
A tunga thu tawh kisai in tu sung teng D.C area ah Zomi Namni bawl ding vai tawh kisai mipi lam pan thu dotna, lungsim patauhna aomna tawh kizui-in Zomi Innkuan D.C Executive Committee (E.C) makaite thu kikupna leh thu khensatna tawh kizui in a nuai aa bangin thu kong pulaakkhia uh hi.
 
1.  Zomi Innkuan D.C in kum 2002 bek pan kipan in Zomi Namni pen Zomibup kigawm khawm in a kibawl khawm den hi aa, tukum 2013 in zong mipi a tamzaw hun ngah theih ni geel in February 23 (Saturday) ni in nasia takin bawl ding geelna akinei khin a hi hi.
 
2.  D.C Area ah February 20, 2013 (Wednesday) ciang akibawl ding Zomi Namni tuambawl ding vai tawh kisai pen Zomi Innkuan D.C in thu kimpihna, theihpihna leh kikuppihna kinei lo in Zomi D.C min tawh akibawl pawi hilo aa, a thalawp pawlkhat te vaihawmna hi cih kong pulaak uh hi.
 
3.  Zomi Innkuan D.C in Zomi Namni pen pawl nih kikhen in bawl ding hoih kisa lo, dik kisa lo aa, i minam sung kilem nading leh kipum khat nading, khat leh khat kitelkhialh loh nading mah lunggulhna tawh Zomi Namni a tuambawl nuam mipih makai te kikuppih dingin January 27 ni in Official in Meeting kisam aa, ahi zongin Music lam makai khangnote bek meeting hong kah uh in, atuambawl nuam lam pan makai thu vaihawmte hong kah lo uh ahihna thu kong pulaak uh hi.
 
4.  Zomi Innkuan D.C in Zomi Namni tuambawl ding vai tawh kisai pen mipi a tamzaw thukimna mah kisam kisa aa, mipi vote (mee-tang) tawh khensatna bawl ding geelna kinei hi mah ta leh i mipih pawl khat te in tua pen hong ngak zolo suak phot uh hi. Tua hi aa, February 20 ciang D.C Area ah akibawl ding Zomi Namni pen mipi atamzaw thu kimna, lunggulhna tawh a kibawl hi lo aa, a thalawp pawl khat ii vaihawmna tawh a kibawl hi cih kong thei sak uh hi.
 
Zomi Innkuan D.C ii Motto a hi, "Zomi sungah innkuan khat i hi hi" kicih mah bangin Zomi D.C in thu leh la khat peuh peuh a om ciangin innkuan khat sung mah bangin thu kikumkhawm, vaihawmkhop ding mah masuan in, I minam sung ki-it kilem nading leh pumkhat suak aa, khut khat tawi khe khat khai banga i kalsuan zawh nading Zomi Innkuan D.C ii lungtup a hi hi.
 
Zomi sungah note tawh nasem khawm,
 
Executive Committee
Zomi Innkuan Washington D.C
D.C Area, U.S.A
 

Tongsan Pen Award 2012 - Mee (Vote) Pia Mengmeng In!

PDFPrintE-mail

Last Updated on Friday, 31 January 2014 21:57 Written by Tongsan Admin Thursday, 14 February 2013 23:10

Tongsan International Media Group (TIMG) nuai ah nasepna hiangkhat ahi nisim, hunsim leitungtup Zomite' thukizaktuahna Tongsan Group mail sungah laigelh siamte pahtawi piakna pen kumsim kinei den a," Tongsan Pen Award 2012 " ading teelcing anuai miteng Tongsan Award Committee in kiteelkhia hi.

Hih teelcing (Nominees) mi 10 te sung pan laigelhsiam le laigelh tam nasak penpen khat Mee (Vote) kipiathei hi. Mee (Vote) piakna ding mun pen Tongsan Website : http://www.tongsan.org/  anuai lamah ah min sazian (Nominees list) a kigualsuk om dinga, na piaknop penpen khat amau min mai abem (o) sung meek (Click) ziau in. Tua khitteh a nuai pen ah Vote cihna khatvei Meek (Click) kik lecin, Mee (Vote) a piakhin na hi ziau hi. Hih Mee (Vote) piakna-ah Tongsan member khempeuh in suaktatak in kipiathei hi. Mikhat in khatvei bek Vote thei ding hi.

Mee (Vote) piak hun sung pen February 13,2013 ni akipan February 19, 2013 ni-in kikhak ta ding hi. Mee piak hun sung nitawm mahmah ta ahih manin, manlang theithei in i piak ciatna ding kong zasak phapha uh hi. Teelcing te pen a (65) cinna Zomi Nam Ni (Zomi National Day), February 20,2013 ah mau omna munmun ah Award piakna kinei ding hi. 

Tongsan Award Committee
Tongsan International Media Group
Headquarters, Kalaymyo
Zogam-Myanmar

Tongsan Pen Award 2012- Nominees List: (Vote Now !!!)

1. N. Pau Tun Thang @ Thangpi 

2. Prof.Dr. Ngin Sian Pau

3. Muana Zomi

4. Pu Thang Khawm Pau Zomi

5. Cope Suan Pau

6. Michael Dal Sian Hung

7. Khambawi

8. Kham Khan Suan

9. Zomi Momno

10. Pau Khan Kap
------------------------------

Note: Hih Tongsan website ah lut in la, Mee (Vote) pia mengmeng in!!  http://www.tongsan.org/ 

 
 

Tamu ah Khamtheih Zatang le Thau tampi Kiman

PDFPrintE-mail

Monday, 04 February 2013 17:03

 
India le Kawl gamgi Sagaing Division Tamu khuapi Sandar ku, veeng 3 ateeng Kumpi nasem U Soe Myint Win inn sung pan Thau mal 96 le khuasik dalna nam khamtheih zatang le zavui kigawm ip-8, Kawl sumin Ks.1000,000,000 ( Teng tulsawm) val man ding February 3,2013 (Sunday) ni-in U Soe Myint Win le a zi Daw Phyu Phyu Win te' nupa neihsa Micro Bus namte tung pan Laithohpi khat tawh Palikte in mankhia cih kiza hi. A kimanpa U Soe Mynit Win pen thukhen zumpi ah nasem hi-in, a Mawtaw tung nangwn ah " Thukhun Zum " cih Kawllai tawh kigelh sensan ahih manin, thusitna kinei thei nailo phot ci hi.
 
Tua vante pen India gamnuai mi Meitei mite' (United National Liberation Front) neihsa hi-in kigen a, UNLF galkap Col. U Tomba le Bo Ko Myint Aung te nih in puaksim uh cih thu Kawlgam Palikte Internet laimai ah kigelh hi. Myawaddy News te' genna leuleu ah India lam a om Sangnaupang kipawlnate ahi dingin gen uh hi. Tua akimatsak Thaute pen nam tuamtuam hi-in, Nahtang um namte- 60,Khesik mine namte- 23, thautang nam tuamtuam - 7907, Thautang magazine namkim- 195, Thatang lotna- 251, Thautang gualhna khaukual- 4, teng mankhia cih Kawlgam Palikte' Internet sungah kigelh hi.
 
Tua Vante kimatna inn sung mahah abeisa 1999 kum November kha sungin zong Thau, sum tampi le Kham (goal) tampi kiman ngei-in, Kumpite in tua Inn khakcip uh a, tun hih bang thu a piang kik leuleu ahihna Tamu a om nupi khatin gen hi. Tua vante apuak sim UNLF galkapbu Col. U Tomba le Bo Ko Myint Aungte zong thusit hun ding kithei nailo ci hi.
 
Source : Myawaddy & Mizzima
Translated & Posted: Tongsan tanute
 

 
 

Page 155 of 279

TONGSAN Video

TONGSAN Photo Gallery

TONGSAN Weekly Journal

Who's Online

We have 516 guests and 1 member online
  • Nicrdex49
Joomla Templates and Joomla Extensions by ZooTemplate.com