sideBar



zomi aw lung lau ken!

NEWS Zomi News
BLUE GREY RED
Zomi News

USA ah Zomi (Chin) Numei Khat Lasiam In Minthang

PDFPrintE-mail

Last Updated on Friday, 18 January 2013 19:50 Friday, 18 January 2013 18:26

Milla Hniang
 
USA, Indianna State a teng Hakha khuami Mai Milla Dawt Hniang (Kum 22) in phuah le sak athuah Mikang Zawlla (English Music Album) "GONE" kici Album tawh January 8,2012 ni-in US gambup ah kizel bek tham loin, iTune le Amazon Company te ah kisuah ziahziah in, leitung huamin minthang zo mawk hi. Mai Milla Hniang pen Zogam (Chin State), Hakha khuapi pan piang hi-in, kum 4 aphak ciang Yangon ah teng aa, Kum 8 aphak ciangin USA ah teeng uh hi.
 
Zogam, Hakha ah a teen lai a neulai in Thaguisi (Polio) natna vei-in, a khe zaw ahih manin deih bangin lam paithei loin, tuni dong Ciangkhut tawh lampai hi. Abeisa 2012 kum bul akipan a ma lasakte Internet (Youtube) tung pan a kitheih toh ciangin, US gambup ah Music lam nasem Company minthang khat ahi " TMG Company" te in amah tawh lasakna le lakhumna neikhawm dingin, lunglutna le thukimna (Agreement) bawlpih uh cih kiza hi. Tua a mau thukimna tungtawn in, TMG Company tawh a sawt loin Album thak khat bawl ding cih thu BBC tawh Interview aneihna pan kizasawn hi.
 
 
Source by : BBC News
Translated: Tongsan Translator
 
 

Korea Conference Vai Tangkona

PDFPrintE-mail

Last Updated on Wednesday, 16 January 2013 18:05 Written by Tongsan Admin Wednesday, 16 January 2013 16:01

Click on the slide!

Leitung ah Pasian mizat minthang khat ahi Korea gammi Rev.Dr. Yonggi Cho makaihna tawh kumnih hal a kineiden Church Growth International Conference pen tukum 2013 ading mai October kha sungin kinei kik ding cih thu kiza hi. Abeisa Conference simin zong Zogam pan Zomi Pasian nasemte kipaithei zel ahih manin khuamuhna le thupha sanna lampi khat cileng kikhiallo ding hi. Tua ahih manin tukum Conference kah ding alunglutte in Korea a om Zomi pawlkhat kiangah a kisam thu le late kizomthei ding cih thu Sia Thang Gin Piang, M.Th (Candidate) in Tongsan Media tungah zasak cih thu kiza hi.

Hih CGI Conference tawh kisai Invitation Letter ading akisam US$ 100 akipan vaite khempeuh Korea Zomite in Rev.Dr. Yonggi Cho tungtawn in vaihawmsak thei ding uh ahih manin, a hunlap in kiginkholh kul ding ci hi. A hi zongin Korea Visa ngahna dingte bel Pasian sepsak ding ahi hi. Sia Piangno le Sia Siam Za Khai in a genna ah, " Korea Zomi te in minam ading kisem nuam hi mah ta le Zomi kitawm lua ahih manin, i sepnop hangin deihzah kisem zolo ci hi. Tua hi in, hih Conference min tawh Zomi tampi Korea hong tung mengmeng hi leh Zogam ading nalian tampi kisemzo tuam ding cih lunggulhna lianpi ka nei uh hi " ci-in genbeh hi.

Conference kha le kum ding kician khin a hih hangin, ani (Date) kician thei nailo ahih manin, June & July sungah akician in Tongsan Media tungtawn mahin hong zasak kik ding cih Sia Siam Za Khai le Sia Thang Gin Piangte in gen uh hi. Tua ahih manin, hih CGIC khawmpi ah akihel ding a lunggulhte in tuni akipan kiginkholh kholh dingin deihsakna lianpi tawh hong zasak uh hi. A lunglut le a thucing a dong pah nuamte in: This e-mail address is being protected from spambots. You need JavaScript enabled to view it , Korea ah suaktatak kidong thei den ding cih kiza hi.

 

Reported by:

Sia Siam Za Khai & Sia Thang Gin Piang

ACTS Korea

 
 

ZRA Salpha 2 te Kum 2 Cin Phawkna

PDFPrintE-mail

Last Updated on Wednesday, 16 January 2013 02:13 Wednesday, 16 January 2013 02:08

Photo

Abeisa January 13,2010 ni-in Zomi galkap ZRA te le People Liberation Army (PLA) kici Meitei singnuai mite Aisih le Phaisat khua kikal ah nasiatak akikapna uh pan ZRA salpha Tg. Thang Za Muan @ Mark, Go Chin Khup Veng, New Lamka leh point 2 na-ah apai Tg. Thang Min Lun@ Tiger, Tiger of Sanggaikot te in Zogam le Zomi ading a nuntakna uh apiakkhiat zawh tukha January 13,2013 ni-in kum 2 lutta hi. Hih Zomi salpha nihte nusiat zawh kum 2 cinna tungtang ah Zomibup tangin Tongsan International Media Group- TIMG pan phawkna le zahtakna sangpen i pia kik hi. ( Rest In Peace)

--------------------------------------------------------------------------------------------------------------------------------------------

ZRA Galkapte le PLA Galkapte Kikaptuahna Thu:

Zomi Revolutionary Army (ZRA) salpha-60 te Aisih le Phaisat khua kikal a om Meitei singnuai mite camp abuluh dingin operation lut uhi. People Liberation Army (PLA) kici meitei singnuaimi sung pan athahat pen le akum tak pen Meitei singnuaimite hi uhi. RA te buluh ding thei khol uh ahih manin Meiteite na kihem khia man in, RA te ciahkikna lampi ah 5 PM hun in PLA te in na pangkik uh ahimanin Phaisat khua gei mualdung ah nasiatak in kikap phial uh hi.

RA lam pan galmai pen (point) ah pai masa Taang Thang Za Muan @ Mark, Go Chin Khup Veng, New Lamka le point 2 na ah pai Taang Thang Min Lun@ Tiger, Tiger of Sanggaikot te in Zogam le Zomi adingin anuntak uh piakhia uhi. PLA te lam pan in zong mi thumte tua mun ah RA te kap paih in si pah uhi. Tua banah PLA lam pan tampi mah liam le bai in taikek mang uh in, 16 Jan 2010 ni zingsang in Meiteite 2 Cikha zato ah si in aliam abai zong tampi tak om lai hi cih thu kiza hi.

Hih akikap ni mahin India gam Interior Ministry pan Under Secretary GK Pillai le SPDC te Interior Ministry pan Deputy Minister Brigadier Phon Shwe te kimu khawm in gamgi bulphu in Northeast ah om singnuaimite vai, Kawlgam sungah om singnuaimite vai le guih theih kham theih vankham nasepna omte tawh kisai thu piang teng kikup ding in akhen sat ni hi citciat hi.

Mr. GK Pillai pen 19 -21 January,2010 sung Nyaypidaw ah zin ding hi. 2009 kum February kha sung in zong India Vice President a Kawlgam hong zin laitak in RA le Meitei te kikap uh in Meiteite 2 si-in khat nak liam mahmah ngei hi. PLA makai N. Bisheswar Singh in ‘ Kamhau gam, kokhut sung tungta’ cih Metei lai tawh kihawm Meitei Media khat ah gen khin hi. PLA pen Septenber 25.1978 kum pan akipan hiin, Zogam sung ah PLA galkap 90% om khin uhi, Zogam sungah PLA te cin sa Zavom Acre 2,000 val phata ding in kilam en hi.

ZRA te operation lut ding a paina thu uh Meiteite tungah thu anapuak ahi Aisih khua pan minam zuak Zomi nih le thum om ahimanin Meiteite atai man uhi. Sum le pai deihluatna hangin minam hong zuak ahi Meitei te khutzat te tawh kisai mai lam ah nakpi tak in thu kinei ding hi. Cikha, Tonzang, Tedim, Kawlpi, Tamu, Sialthozang, Aisih, Suanghoih le Meiteite om na te ah Zomi hong zuak mite a thu uh ki kankan khin le akicing in ki thei khin hi cih thu le tua mite akikhel kei uh leh ki siangsuah ding hi.

Sikai Division, Mandalay Division, Rakhine state le Zogam ah Meitei singnuai mi pawl 6 bang om khin uhi. Meitei te in phualpi in aneih uh ahi Zogam sungteng ah suak tatak in om theihna, Zogam ah Zovom suak tatak in hong cin theihna apia UItalte le Meiteite Zogam sung pan ii hawlkhiat zawh kei leh ‘Ei Pu, EiPa te kha in khangthak Zomi te hong awilo dingin thupha kingah lo ding hi. Tua ahimanin ei Pu ei Pa gam pan aman lang thei penpen in PLA@ Meitei galkap te le adang Meitei singnuai miteng ii hawl khiat ding kisam ta hi.

Posted by : Tongsan Media Group

 
 

Page 166 of 287

TONGSAN Video

TONGSAN Photo Gallery

TONGSAN Weekly Journal

Who's Online

We have 388 guests online
Joomla Templates and Joomla Extensions by ZooTemplate.com