Written by Admin Tuesday, 17 January 2012 15:18

Abeisa January 15,2012 ni-in Japan gam Narita Airport pan Australia gam Sydney khuapi zuan a lengkhia khualzinmi le vanleng nasem kigawm vekpi mi 260 tuanna Japan Airline te' vanleng Boeing-777 khat pen a lenkhiat khit asawt loin, High class letmat lei pawlte' tutna mun khat meikang ahih manin a lencilna Airport ah manlang takin (Emergency) tusuk kik cih kiza hi.
Tua vanleng tutna meikang tawh kisai akipatkhiatna akikan ciangin, a lenkhiat zawh a sawt loin , a sung ah zatepna mei pan kipankhia cih thukante in theikhia uh hi. Tua Airport pen Japan gam khuapi Tokyo City tawh kigamla lo ahih manin, Vanleng hawlpa (Pilot) in vanleng sungah meikang cih a theih phetin, vanleng kilelsak in tua vanleng tualpi mahah tusak man ahih manin, bang mah buaina piang manlo cih kiza hi.
Source: Internet
Translated: Tongsan media
