TONGSAN || International Media Group

Last Updated on Thursday, 26 January 2012 21:21 Written by Admin Thursday, 26 January 2012 18:35

Mya Yeih Nyo Foundation makaipi Zya Kabar Khin Shwe in abeisa  January 13,2012 ni a Thong sung pan asuakta Prime Minsiter lui General Khin Nyunt (Kum 70) pen Mya Yeih Nyo Foundation ah President dingin khasum US$ 5000 (Ks. 4000000) val piak dingin cial cih kiza hi. Khin Nyunt khasum US$ 5000 pen Philippines Kumpi khasum sangin azah li tamzaw a, Vietnam Kumpi khasum sangin azah sawmnih tamzaw, Thai Prime Minister khasum sangin azah nih tamzaw hi.Khasum hih zah a piakna ahang tampite sung pan General Khin Nyunt pen ASEAN gam sung tengah a vangneu/ kiam lohna ding ngimna tawh khasum tam a piak cih kigen hi.

Tua banah U Khin Shwe in Khin Nyunt khasum hih zah apiak theihna a hang pen abeisa hun khat lai-in, a Company nasepna ah General Khin Nyunt panpihna tampi om ding ci in Mipite in muthei hi. Tua bek tham loin U Khin Nyunt khasum pen tulaitak kumpi thak President U Thein Sein i khasum sangin US$ 1000 bekin tawm zaw a, Vice President Tin Aung Myint Oo khasum sangin tamzaw tham hi. Lam khatah gen leng Zay Kaba Khine Shwe in hih zah a tam Khasum apiakna pen Political kampau leng Vice President U Tin Aung Myint Oo i khasumte thusimsak lua lo cihna ahi hi. A hi zongin Khin Shwe in Khin Nyunt pen kum bangzah sung US$ tawh khasum pia ding cih kituat theihi.

U Khin Nyunt pen tu'n kum 70 phata ci leng atampen kum 20 dam lai ding hi leh Zay Kaba Khin Shwe in Khin Nyunt pen kum 20 sung US$ 1200000 apiak kul ding hi. A hi zongin kum 20 a cin main Khin Nyunt si thei / silo thei kigenthei lo hi. Hih bangin Zay Kaba Khin Shwe in Khin Nyunt pen Mya Yeih Nyo Foundation ah President semsak banah khasum tampi apiakna hang khat pen namvai (Political ) kimawlna thusim tampi om dingin kiummawh hi. Khin Nyunt ading kum 20 sung khasum US$ 12000 pen  Moh man cih dan bek hi lel dinga, Khin Shwe bangzah hau ding cih kithei zolo hi. Azenzen in Khin Shwe in Khin Nyunt khasum $ 6000 pia hi zenzen mah le President U Thein Sein  tawh kikim ding cih a deihlohna khat tawh $ 5000 apia hi thei dingin kigen hi.

Source: RFA

Translated: Tongsan tanute

Comments/Ngaihsutnate (1)

Subscribe to this comment's feed

Comment/Ngaihsutna	smaller | bigger
Name
Email
Write the displayed characters/Atung a Security Image gelh in!
Subscribe via email (registered users only) I have read and agree to the Terms of Usage.
	Send Comment Preview