zomi aw lung lau ken!

NEWS Asia Pacific News Myanmar - Indonesia Sumbawlna lamah Ki-Uitui Mahmah
BLUE GREY RED

Myanmar - Indonesia Sumbawlna lamah Ki-Uitui Mahmah

PDFPrintE-mail

Susilo-TSKawlgam leh Indonesia gamnih kikal sumbawl sumzuakna lam nasiatak neikhopna ding vai tawh kisai-in, Indonesia Foreign Minister Mr. Matina Taligavua leh Myanmar Foreign Minister U Winnah Maunglwin te in June 12,2013 ni-in Indonesia gam Jakatar khuapi ah holimna le suaikaihna nei uh hi. Tua holimna ah hong tung ding 2016 kum ciangin tulaitak sumbul neihsa tungah USD 1 billion behlaptoh dingin gamnih thukimna nei uh cih thu Indonesia gama Media minthang khat ahi ANTARA thuthak saite in gen uh hi.

Kawlgam-Indonesia gamnih commission thukikupna sungah Investment leh sumzuak sumleina tawh kisaite zongah sepkhop dingin thukimna bawl uh hi. A beisa Kawlgam galkap ki-ukna le thuneihna hong bei-in, kumpi thakte in gam ki-ukzia a thak tawh hong kalsuan bek tham loin, hih bangin sumbawl sumzuakna lamah gamnih sepkhoptheihna ding dinmun ciangah hong khangto thei ta ahih manin, Indonesia kumpi in Kawlgam kumpi thakte a hoih lamin a muhna thu Foreign Minister Mr. Matina Taligavua in genbeh hi.

Kawlgam leh Indonesia gamnih sumbawlkhopna sumbul pen abeisa hunin USD 430 million hi a, 2012 kum ciangin USD 465 million ah kikhanto ahih manin, 7.98% khang hi. Tua banah lokhawhna lam le pilsinna lamah kipawlkhop ding vai zongah kipawlna sumte le sepziate khantoh lai ding a lunggulhnate zong Kawlgam Minister U Winnah Mawnglwin in ANTARA thuthak saite kiangah genbeh hi. Kawlgam leh Indonesia gam nih Ambassador kizopna zong abeisa 1949 kum December 27 ni akipan kizopna kinei a, 1997 kum ciang Kawlgamte in ASEN kipawlna sungah member a lut ding laitak in zong Indonesia in thukimpihna nei uh hi. 

Indonesia gam panin Kawlgam ah akipuak vante pen laidal leh laidal vanzat, nek theih sathau, sik leh sik tak, zapiteh leh Rubber te tam pen hi. Tua banah Ekleiza , Bilatmee (Cement) leh adang Indonesia bawl vante zong Kawlgam ah a luttheihna ding Kawl kumpi-in deih uh hi. Kawlgam pan Indonesia gamah akipuak (Export) vante pen Vaimin, Sing, Mipe (leibe), Soda, Ngasa leh mehteh mehgah tuamtuam tam kipuak mahmah ci hi. Indonesia pen leitungah Muslim a tampen gamkhat in kiciamteh a, Kawlgam zong Buddish a tampenna gam khat mah ahi hi.

Source :  Irrawaddy News

Translated by Saimon Timothy (Naulak) 

 

Comments/Ngaihsutnate (0)add comment

Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 112 guests online
Joomla Templates and Joomla Extensions by ZooTemplate.com