zomi aw lung lau ken!

NEWS Asia Pacific News Iran President Thak Kiteel
BLUE GREY RED

Iran President Thak Kiteel

PDFPrintE-mail

1017484 468707816546942 389228503 nLeitung ah mi tampi a sisak thei Nuclear lauhuai a bawlna hangin Israel,USA,UNO akipan leitungbup phialin abuaipih den gamkhat ahi Iran gamah President thak kiteelna pen June 12-15,2013 sung nasiatak nei uh a, a lungsim duai hithiat Muslim biakna makai khat zong ahi Mr. Hassan Rouhani (Kum 64) in Mee (Vote) 50% tawh President ngah hi. Iran President panmun hunpi thum (Term 3) kizom asem khinsa mitampi asisak thei Nuclear lauhuai a bawlpa President lui Mahmoud Ahmadinejad i zalaih ding hi ta hi. President thak Hassan Rouhani pen Iran gammite in deih mahmah uh a, agambup mee (Vote) Awn 37 sung pan Awn 19 tawh President ngah ahi hi. 

Mr. Hassan Rouhani pen Iran nuclear bawlna adeihlo pawl hi-in, US, Israel le UNO in Iran kumpite amawhsak hun laitak in a hoih theithei in thugenpih den khat zong ahi hi. Hassan Rouhani in President a ngahna hangin UN Secretary Mr. Ban Ki Moon le US President Obama te in lungdampihna thupuak uh a, Iran gamin tu akipan daihna le khantohna lam manawh ta ding hi cih gen uh hi. Mr. Hassan Rouhani in June 16,2013 y) ni a thugen masakna ah " Iran gam thukhun tawh kizui-in, kilemna-daihna le khantohna lamah i kalsuan theihna dingin mipite' deihna kisam penpen hi " ci-in Iran gam TV pan thugenna nei hi. Iran gambup in amah deih mahmah uh ahih manin, ahi zongin President lui Mahmoud Ahmadinejad bel mudah lua mahmah uh hi.

Mr. Hassan ouhani pen Shitt Muslim upna zui pawl ah 1989 - 2005 sung Islamic Consultative Assembly (Majlis) & Supreme National Security Council ah Deputy Speaker sem ngei a, Nuclear tawh kisai nitumna gamte' deihlohna thu a thukimpih le ahoih lamah a genpih tawntung kilemna le daihna a deih mah mah khat ahi hi. Hong tung ding August 3,2013 ni ciang in Iran President zumpi ah tu pan ding hi. Amah in Campaign sung a thugenna ah " President ka ngah le nitumna gamte tawh limtak kizopna i bawl dinga Iran gam khantohna le daihna om theihna ding ka hanciam ding hi " ci-in campaign bawl hi. 

Source: VOA News

Translated: Tongsan Translated Team

Comments/Ngaihsutnate (0)add comment

Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 172 guests online
Joomla Templates and Joomla Extensions by ZooTemplate.com