TONGSAN || International Media Group

Last Updated on Friday, 10 February 2012 15:17 Written by Admin Friday, 10 February 2012 13:49

Leitung gam khempeuh kipawlna(UNO)te nasepna hiang khat ahi UNESCO te in Kawlgam Democrecy makaipi Daw Aung San Suu Kyi pen UNESCO-Madanjeet Singh kici minphatna le Pahtawina (Trophy of the UNESCO-Madanjeet Singh Prize) piak ding khensatna nei uh a, Kawlgam a om UNO zumpi pan vaisai pawlte in Feb. 9,2012 ni in pulakna nei uh hi. Tua pahtawina pen 10 February,2012 ni zingsang in Mr. Yohei Hosaha (UNESCO, Director General) in DASSK inn ah piakkhiatna nei cih thu kiza hi.

Hih bangin pahtawina apiaktheihna a bulpi pen Aung San Suh Kyi in, kum tampi sung Kawlgam galkap kumpi alangpanna ah lungphona le sisan naisan luanna om het loin, tuni ciang dong Kawlgambup mipi amakaih zawhna hang tawh pahtawina apia uh ahi hi. Hih Pahtawina pen UNESCO palai sem khat ahi milungduai, Limsuai siam leh laigelh siam a minthang palai nasepsiam India gammi (Ambassador) khat ahi Mr. Madanjeet Singh i anuntak sung Leitung mite ki-it kilem(Peace) nading leh nasepna khat peuh peuhah lungsau/lungduai tak le thuakzawhna tawh agualzote piakkhiat ding a kibawl Pahtawina ahi hi.

Mahatama Gandhi i suah zawh kum125 cin phawkna 1995 kum pan apatkhiat uh hi in, 1996 kum akipan kum 2 ah khatvei ta kipia in, sum tang US$100,000 tawh kipiakhawm pahpah ahi hi. Tuni ciangciang hih 'Pahtawina'a ngahsa mi 8 phakhin in, Daw Aung San Suu Kyi in zong 2002 kum in khatvei ngahngei khin hi. Tutung UNESCO kipawlnate in Daw Aung San Suu Kyi omna innphual ah a piakna uh pen amasa penpen hi dingin kigen hi.

Source : Crazybag Online Family
Traslated: Pa Kham Khan Suan (Tongsan Traslator)

Comments/Ngaihsutnate (0)

Subscribe to this comment's feed

Comment/Ngaihsutna	smaller | bigger
Name
Email
Write the displayed characters/Atung a Security Image gelh in!
Subscribe via email (registered users only) I have read and agree to the Terms of Usage.
	Send Comment Preview