NEWS World News (Zo Kam) Lasa siam le Movie Star Whitney Houston si ta
Lasa siam le Movie Star Whitney Houston si ta
Last Updated on Tuesday, 14 February 2012 18:33 Written by Admin Tuesday, 14 February 2012 18:07
Leitung lasiam minthang mahmah khat ahi Ms. Whitney Houston (Kum 48) pen nung February 12,2012 ni in USA, Beverly Hillton Hotel room sung a om kisilna tuikuangpi (Bath-Tab) kicite sungah si-in, tui in tumcip sa in kimukhia hi. Tua bang a bing sihna thu apianna nu Mrs Anetha Franklin in azak ciangin 'Ka lungsim teng hong linglawng gawp leh ka um thei mahmah tuan kei lai hi " ci in thuthak kante tungah gen hi. Tua banah lasiam minthang khat mah ahi alawm Mariah Carey in zong um zo mahmah lo ahihna thu gen lai hi. A luang hawm pen Los Angeles pan a teenna New Jewsey ah kipua in, Feb.18,2012 ni ciangin a mother Church ah kivui ding hi.
Whitney Houston i laphuah le asak late pen a tulthei lo Zawl la vive hi in, leitung bupah mipi lunglutsak mahmah late ahi hi. A minthang diakte a late in: "I Will Always Love You"leh"One Moment In Time" cih zawlla te leitung bupah kideih mahmah in, minthan lawh pah lian hi. Tua bangin a minthan mahmah laitak hun sung mahin a pasal masa lasiam minthang khat mah ahi Mr. Booby Brown tawh akibuai akipan a minthanna tampi kiam hi.
A pasal masa Brown in South Heaven,Mississippi tawh a lasakna (Show) pawi panin Houston sihna thu azak ciangin, alasak madeuh in vantung lam ento a,"I Love You"ci'n awngkhia in, tuakhit mah teh mipite tungah khatvei mah, "I Love You All" ci hi. Tua a cih khit ciangin, khatvei mah ciang "I Love You Whitney"ci'n awngkhia gawp hi. Tua bangin a zawllui nu sih thu a zakna hangin tausang(Stage) tungah lasa dingin akahtoh mahmah haksa ka sa lua mahmah ci in gen hi.
Amau nupa kikal ah,2007 kumin kitotkiselna leh guihtheih khamtheih zatna te hangin kikhenlawh uh hi.
Tua nung 2009 kum in,Houston i nasepna ahi ama Album thak "I Look To You" cih tawh min hong ngah kik leuleu in kikhawng/ kideih mahmah ahih manin, US gambup ah 2009 kum lbum hoih pen pahtawina ngah hi. Asawt nailo hun sung in Movie " Sparkle " cih tawh Actress sem hi. Ala Album te sum asikpa Producer ahi, Kristen Foster in 11 February2012 ni in Houston asikhin ahih nathu ciantakin genkhia khin hi. Thukan lam (Police)te genna ah asihna tawh kisai bang hang cih kithei zolo ahih manin, misi luang hawm asittelna panun guihtheih khamtheih(Drugs)te sukha leh lawngkha in ummawh uh ahihman'aluangkhei/atding(Operation)bawl ding ci'n genkhia uh hi.
Houston i nuntak sung alasakte sungah khalam (Soul) tawh kisai late leh Pasian phatna late (Gospel song) tampi mah omin, a lasak ciangin thangah tak le lungsim,pumpi, le khate tawh nasiatak lasa khia ziahziah ci-in mipite in kiciamteh hi. Apianna atunnu Cissy Houston zong Pasian phatna late (Gospel Song) lasa minthang(Christian Singer) khat mah ahi hi.
Lasa minthang khat ahi,Dionne Warwick tawh zong pa unau(First Cousin)ahih ban ah,Aretha Franklin pen amah akem akhoi leh avak,anunawn ahi hi.Houton in apianna New Jersey khuapi ah khangkhia in,aneu tungpan kipan'biakinn (Church)te ah lasa kawikawi in tuakhit ciang New York Khuapi sung aa om Night Club te ah zong lasa zelzel a, Arista Recording ah a lut zawh ma ciangciang zong thatang leh melhoih,(Model) kidemna nasep ah sem ngei hi.
Houston in Leitungbup lasa siamte kidemna mun ah aminthang pen,asiam pen,akhaupaipen in tuni ciang dong 7 vei sinsen angahna thu leh US gambup lasa siam pen akhatna( Ist prize)No.1,1985-1988,angah leuleu nathu te World Record ah kiciamteh hi. A minthan kipatna le a lasak masa penpen lah ahi "Saving All My Life For You" kici pen a lamal kibang napi'n asakdan, awsuah kibang saklo in, aw tuamtuam tawh asak khiattheih manin, kipakta mahmah in amin hongthang semsem hi.
Music lam atelkan leh amawhna zong thei khat (Music Critic) ahi,Paul Gambaccini in BBC te kiang agenna khat ah, leitung lasiam minthang te ahi Mariah Carey leh Cristina Aguilera tegel in hanciam lua mahmah uh a, Houston awkaih le lasak ziate asimtham in a ciinciin hang un, cik mahin phazo ngei lo ding hi cin-in gen ngiat hi. Houston i lasak siam zia pen a lamdang/ tumdang pi le akipha zo ngei ding hi kei ci in genbeh lai hi.
Houston in leitung alinglawng liang Love Story(Movie)khat ahi,"The Bodyguard"leh "Waiting To Exhale" (Movie)tegel ah Actress asepkawm in zong siam mahmah ban ah,tuabang asepna mun ah zong lungnuam,suahtatakin semkhia thei zong ci hi.Sony Movie Production Company te'n zong ama kihelna anunung pen(Movie)ahi' Sparkle' athak pen mai August kha sung kalak khia ding uh hi ci'n gen uh hi,ci hi. Tua (Movie)sung ah,Houston i anunung pen alakhumna,leh alasak nunung pen te zong kiguang in, Gospel ihzakngei uh Pasian la minthang (Songs of Gospel)te pan "His Eye is On The Sparrow"acih lapen khuakhal hun sung teng khempeuh ah,(Movie)la (Play-Back)in kazang paisuah ding uh hi ci'n zong gen uh hi,
Guihtheih khamtheih te azatna hang'nunglam kumte sung in,ahoih mahmah Pasian(Gifted leh Talented)khat ahi aAw,kisia sak ahihma'n hunkhatlai leitungbup Pop Music ah,lasiampen leh a Awhoih pen hinapi'n zatui tuamtuam te hang'a Awte kisiacip gawp ci'n zong kigen hi,cih uh hi.2010 kum anunung pen apaina UK gam,(UK Tour)aa alasakna ding mun ah,asak masa pen ding ni in a Aw siagawp ahihma'n lasazo nawn talo in apawi kihemkhia liang dong ciang,tung ngei ci'n zong gen uh hi. Anaktheih nawnpahlo nahang'hi ci hi. Tua nung alasakna munte ah zong, a aw beibaih in sauveipi la dawng tampi akizom in sazonawnlo hi ci'n kigen hi. Whitney Houston in, leitungbup Lasak nalam(Music)lam ahih zong in kineihsiamna lam(Movie)lam ahih zong in, numei tampi te sungpan,aminthangpen leh gualzawhna tampitak angah Pasian piak thupha tampitak te angahna,leitungbup awkaih hoih,lasa siam pen 7vei ngah in,US gambuppi sung ah,kum4akizom in angah ban ah,nidanglai anungta Pasian aum mahmah innsung ahi
Apianna atunnu mahmah zong leitung level aa,akitheih Pasian lasa minthang(Gospel Song)te asa khat hi'n,tua thamlo aneu tung biakinnpi te sung ah Pasianla asasa nukhat in leitung nopsakna "Satan vanzat'sum leh pai leh guihtheih khamtheih te nangawn ciang tawh Pasian deihloh nate asuhkhak tak ciang,Topa minthangsak nawnlo in,anuntakna in kum48 khawng in,mual hong liapsanta ahi hi.
Leitung ah hihzahtak aa,angah 'Pahtawina leh gualzawhna' te in,anunung pen ahi anuntakna abeini hun ciang, bangciang dong ama aa ding leh akha aa ding noptuamna ngahsak/saklo cih thu ei Pasian thu-um Zomi te'n Whitney Houston nuntak hun sung teng tung pan en-in bang thangahna leh kilamthakna(Lesson)khat peuhpeuh in laksiam theih sawm ciat leen'g ihsih nung ihkha aa ding in'hoihbel ding in kalamen hi.Laisim mimal Topa'n thupha hongpia ta uh hen!
http://www.youtube.com/watch?v=oyQdCJwJZck&feature=related
Translated by: Pa Kham Khan Suan(Tongsan Translator)& Jeremiah Kham Sian Khai
Subscribe to this comment's feed
