TONGSAN || International Media Group

Last Updated on Saturday, 18 February 2012 20:52 Written by Admin Saturday, 18 February 2012 20:29

Abeisa February 14, 2012 ni in, Honduras gam Comayagua Thongpikhat meikang in thongkia mi 355 si uh a,  a site sazian kithei cian nai lo ci hi. Misi luanghawmte Motor lianpite (Truck) tawh Comayagua Thong innpi pan Km 100(60 miles)agamlatna misi koihna Tegucigalpa mortuary ah kipuak hi. A site i lakah kua teng kihel ding kithei nai lo ahih manin, dipkua le ciling keuhleuh kawmin ngak uh hi. Thonginn meikatna tawh kisai in, gamuk kumpi lamte'n kiciantak kankhiatna ding hanciam uh hi.

Leitung tangthu ah a beisa kum zalom khat sung ciangciang Thong innpi meikatna tungtawn in misi a tampen, lipkhap huai pen leh anasia pen dingin kiciamteh hi. Tua ameikat laitak zanhun mah in misiluang 115 khuapi sung kipuak in,azingni nilaini zingsang tung in misiluang 238 te hong tung kik leuleu ci hi. Thongkia minih zato inn atun khit asawtlo in sipan ci'n zong gen uh hi. Misi pawlkhat te nasia kat lua ahih manin, amel'asa kua cih akitelzo nawnlo ahihman, akitheih na dingin mihing mel lesa zonkhiattheihna kici ( DNA) leh Ha (Teeth) tawh kisai(Record) nate tawh kankhiat zawhna kisam dingin gamdang pan apai mipil/misiam te in gen uh hi.

Thonginn meikatna pan a suakta mikhat i genna ah, " Ka ihmut laitak in, thonginn sungah kapna le gamlumnate in hong phawngin ka khanglo lak a, ka thawhtoh pah le Meikang tawh mi khempeuh na buai mahmah uh hi. Thongkia mi pawl khatte tuibualna Tuibuk sung lam manawh in tai ngeingai uh a, Thonginn pua lam pan a sanggam meltheihte a honkhia nuam in a sungah a lutsawm uh hangin, Thongcingte in phallo uh a, nasiatak kibuai uh " ci in gen hi. Melphelh lam te'n in zong agenna ah, " Tong ukpipa in Kongkhakpi tawh kem ahih manin, a mah ka zonzonna tawh a kizekailawh hu " ci in gen hi.

Hih Thonginn meikatna kipatna pen Thong kiami nih kitotna pan kipan hi ci in, thong lam tawh kisai thunein Ulian khat ahi Mr. Miguel Rodrigo in genkhia hi Honduras gam Kumpipa Porfirio Lobo in hih thu hangin,  Thonginn thuneite  le Thong nasem zalian/ zaneu ci loin, honpi khat  khawlsak phot ci hi. Tua banah Thong inn kisia/ lui lua in, akipuah lohna hangin hizahtak alipkhaphuai thusiate apiang hi ci in gen hi. 

A beisa 2007 kumin zong San Pedro Sula Thong innpi tu'a bang mahin meikaang in mi 107 si ngei uh hi. Honduras gam a om Thonginn te pen leitung ah mitampi  athatkhia denin minthang  mahmah cih kigen hi. Mi 8,000 om theih nading Thong inn pawlkhat te sung ah,mi,13,000 dong akoih uh ahihman leitung (Hell )gamno khat zong kici thei hi.  Hih Thonginn pen mi 500 om theihna ding hi napi'n mi 800 koih in kigak mahmah ci hi. Thong cingte sun lam 51 te cingsakin zanlam mi 12 bek koih in cin'gsak uh ci hi.

Kum simin Honduras gam pen guihtheih khamtheih zatui nam tuamtuam nasiatak aa zuakna leh tua tawh kivakna anei ham khat ahi hi. Tua hang mah tawh Thong kiami kum sim kigen zolo zahkhat in kibeklap den ahihna hang zong hi dingin gen uh hi. Honduras gamah hih zahtak a, siatna le Thongkia a tamna pen guihtheih khamtheih kizuakna (Black Market) akhauhpai luatna leh Honduras gam i haksatna, zawnna te leh agam i sumbawl sum zuakna kicinzawhlohnate hang ahi hi ci'n Honduras Foreign Minister Mr. Arturo Corrales in BBC te kiangah genkhia hi.

Translated by:Pa Kham Khan Suan(Tongsan Translator)&Jeremiah Kham Sian Khai

Comments/Ngaihsutnate (0)

Subscribe to this comment's feed

Comment/Ngaihsutna	smaller | bigger
Name
Email
Write the displayed characters/Atung a Security Image gelh in!
Subscribe via email (registered users only) I have read and agree to the Terms of Usage.
	Send Comment Preview