GZA le Chin Supreme Council te Kimuhna nei ding
Last Updated on Wednesday, 25 January 2012 13:46 Written by Admin Wednesday, 25 January 2012 12:05
GZA le Chin Supreme Council te Kimuhna nei ding.
Global Zomi Alliances (GZA) Makaipi (General Secretary) Dr. Chin Do Kham in CNF’s Supreme Council Chairman Dr. Za Hle Thang tawh , 2012 January 30th ni in vamu ding cih thu kiza hi. US gam DC, mun khat ah akimuhna ding uh pen (GZA) min tawh official ki muh na ahihleh ahihloh pen ki thei nai lo hi. Amah pen Leitungbup Zomi Inn Kuan sungah zong makaipi khat mah hi. Zomi sungah zong ih muan mahmah khat zong ahihi. Bangbang ahi zong in maitang ki mu aa thu kikumthei ding ahihmanin alungdam huai hi.
Tulaitak Zomi sungah CNF tein Tedim ,Tonzang ah zum ong hongdinghi cih thu leh , CNF te tung alungkim lote in thusunna aneihnoh mahmah lai tak hi aa, hihbang aa ho-lim na ong neihtheihna in thuhoih lam in ki mu hi. Asia apha maitang ki mu aa ki kup na in piicinna hi. Ethnic arms groups te in gamsungah thautawi aa kum 60 val , kawlkumpi tawh ki dodo sang in kilemna Peace talk Ceasefire bawl in gamleh lei puah khawm ding lunggulh zawta uhhi. Political dialogue om leh, US, EU leh gamtuamtuam , NGO tuamtuamte in Ceasefire bawl un la, nagam uhleh naleiuh puah zaw un ong kihuh ding hi ki ci hi. Ethnics problems in Union of Burma thu leitungin ongthei mahmah ta hi.
Mualmi thautawi ki pawlna UNFC sungah Zomi sungah CNF ki hel hi. CNF te zong Zogam ah thau tawinawn lo in, gampuah khawm tek ni, ci aa adeih sak Zosuan te leh biaknalam makaite hanciamna zong kihel hi. CNF leh CNF member ahi lo te gampua (oversea) pan Chin State political affairs sepkhoptheihna ding in abeisa 2006 lai in Chin National Council ki phuan ngeihi. Chin National Council nasepna abei ki ci thei mai hi. Gamleh lei vai hunkikhel ong manlang mahmah aa, pawlkhat in athei man lo zong ki om ding hi. CNF bek in Chin State gampua (oversea) ah nasem thei lo dingaa mikhempeuh , kipawlna khempeuh tawh na asem khawm nuam hi. 2011 December teh CNF te leh , CNF ahi lo te in Chin State affairs ah na semkhawmding
in Supreme Council ong phuanhi.
Mailamah Chin Supreme Councl om thei laidingmaw, om thei nawnloding cih pen kumpi te tawh Union level ki ho na in thu onggen dinghi. Ih gam democracy kalsuan nate ah gampua sangin ihgamsung aate thu pi zaw, thu neizaw cih ih theihkulhi. 1990 kum ki telna pan apiang ZNC, CNLD, MPP,NLD,NUP,te leh 2010 kitelna pan apiang CNP, CPP,USDP teleh organization atuamtuam te thupi zawhi. Gampua aate pen donghu hi bekaa , gamsungaa te in thu neizaw hi. Mipi te in thu neizawhi. Chin State sung khantohnading pen Chin State sung aate mah in thu neipen hi. Hun ki khel aa ki suak tazaw deuh ahih teh , mat leh hen ongtawm zaw ahih man in alunglut teng ki pawl aa nasep khop ding hun hi ta hi. Asung aate in pilvang taka a kipawlna atuamtuam bawl mengmeng ding hi.
Mai lam ah gampua (oversea) ah, Chin State affairs te-ah CNF ahi lo, Zomi sung pan zong Gamleh minam aa ding thu ki kupna te ah ki hel ni. State level, Ethnic level, Union level te ah all Ethnic kal suan zia te ki mu theiding aa, ei zong ihkhua ihtui aa ding, bang ci panlaak ding cih ki mu zaw ding hi. Ih khua ihtui te-ah mi onglutloh nadingin vaiding ding zong ki sehthei ding hi hang. Democracy hun ah mipi deih lohin kuamahin naaong sem thei lo dinguhhi. Mipi deihlohpi in kua mah ong pailohnading in vaipuah anei ding ih ki seh kulding hi. (Abeisa aa CNF te hoih loh na teng Dr.Vum Son at sa leh Human Right Watch Report te banah, tu mahmah in zong pawl khat in kaikhawm lai hi. Thautawi akua akua ,tat siatna te UN human rights pan kan ding thapia hi.
Tua khit teh ihmabanding zong zopsuak toh theih ding ki sam hi. Gtn .. CNF te inong thuum hen kua tungah koi munah , luangman ong pia hen , ong pai kei uh hen a ci-ding Committee khat ih bawlkul hi. Chin State level te ah amau tawh ih sep khop nop kei leh Tonzang , Tedim ah bang organization tawh vaipuak nei ding……cih te septoh ding tammahmahhi.) Supreme Council meeting aom khitteh thu aki cing in mipi theih ding te ong za sak lai nung. Theih nop ki kup nop aom leh hih anuai aa email te ah thu ki za ni. Zonet sung aa nongmuh khialhna te uh ong ki mai sak hi. Muhna ki bat loh hang gam phattuamna ding kisemkhawm thei hi.
Supreme Council in leitung aa om Chin/Zomi kipawlna khempeuh ah thuzasak nuam, kizom nuam hi. CNF te bek thu vai hawmding ki deih lohi. Zomi ki pawlna gampua pan politic alunglut khempeuh (WZC, GZA, LZI, ZIUSA, UZO, ZAUS, ZCF etc…sungpan mimal mahmah inzong) kipawl or kipawl kei zong in Chin State aading kisemkhawm theihi. Zosuan sungpan alunglut aomleh information kitheihsakna in
kizom nuam hi.
Theihbehnop le dotnop aneite in;
-Thang Nang Lian Thang , Email: This e-mail address is being protected from spambots. You need JavaScript enabled to view it
-Salai Kipp Kho Lian , Email: This e-mail address is being protected from spambots. You need JavaScript enabled to view it
Source: Pu Nang LIan Thang
January 24,2012
Subscribe to this comment's feedwritten by HORNBILL , January 28, 2012
Maikai pi cing ih neih ding thu pi pen in teh,thu vai hawm ding nau tang te hi zaw lo a makai te thu vai hawm bgbg mi pi in azui ding ahih man in minam pi lung sim anei makai i neih nading Ibiak PASIAN kiang ah thu ngen ni,lai tan tampi sin man a ma kai pil mipi lung sim nei cih bang hi lo a, khang khat ah mi 1,minamkhat ah mi 1, gam khatah mi 1, cih bang bek aom thei , Pasian teelna leh sathau nilh na angah ma kai ki sam ahih lam nak phawk mah2 ing.Khamtung gamsung ciang bek hiloin,kawlgam[burma] sung ciang bek hi lo in, lei tung bup thu vai hawm thei ding te i hih na zong phawk mah 2 ing ,Ibiak PASIAN in mi pi lung sim i neih na ding maipha hong pia tek hen,MAY GODBLESS UPON CHINnations..........
written by ciimnuaitualpu , January 28, 2012
TOpa zeisu lobuang amaisak zo ding om lo hi cihi athuak kha ten
written by 7 , January 26, 2012
Zonet sung aa nongmuh khialhna te uh ong ki mai sak hi.
cizen veh ee hehehehe.
mawhna ki mai maisak in ong kimuhkhialh leh aman adik tawh ong mukhial tetung ah kilakkik hi. hizaw lo ding maw PU.
written by Pau Khual , January 25, 2012
Hih CNF ten ZOMI te tampi mah hong thatsak na tawh kisai in hongthum hamtang uhhen
hong thum masaih uh ki lem nading baihlo dinghi banghang hiam cih leh Ei ZOMi te pen lungsim sungah thu amangngilh thei lo minam te i hihman in thum na hong neih ma teng uh ZOMI te sisan sungah CNF ten mawh na omlo pi in ,ZOMI, te tampi
hong that uhhi cih teng khin ahih man in hongthum mateng uh ki lem zolo ding hi hang
