Zomi min tawh US kumpi ciamtehna ding kingen
Last Updated on Sunday, 05 February 2012 20:00 Written by Admin Sunday, 05 February 2012 17:36
The State of Oregon, USA in kum simin aneih zel uh Legislature Regular Session kikhopna (The Oregon Legislative Assembly Regular Session) pen February 1-3, 2012 sung Oregon State zumpi ah kinei in, tua laiah Zomi Association of U.S. (ZAUS) panin taangmi pawl khat va kihel thei bek tham loin, Telcing makaipite tawh kimuhna holimna limcitak nei thei cih kiza hi.
Governor Joh Kitzhaber akipan elected Senate members 30 leh Eelected House of Representatives 60 te kiangah Zomi Association of U.S. (ZAUS) palaite in Zomite pen US gam sungah a teng minam khatin US kumpi in hong ciamtehna ding holimpihna le akisam laite piakkhiatna ve nei thei uh ci hi. Hih bang a kimukhopna pen ZAUS in avaihawm zawh akum thumna hi ta hi. Tua banah APANO te makaih na tawh "TANF" Kumpi in ong huhna nget beh ding vai leh "API Communities in Action! Health, Education and Civil Rights" tawh kisai ZAUS in advocacy sem ding cih kiza hi.
Hih bangin US gam sung a om Zomite' mai lam ding lunghimawhna le khualna tawh vai thupi asemkhia den ZAUS makaite le pawlmi khempeuh tungah Zomibup aitang in Tongsan Media Group in zahtakna le pahtakna i puak hi. ZAUS ngimna le tupna maban khempeuh ah i biak Pasian in gualzawhna le lawhcinna lianpi hong musak zel dingin thungetna ah phawk ciat ding hi hang. Gam le minam ading ZAUS damsawt ta hen.
Source: Pu Kingmang
Subscribe to this comment's feed
