ZNC in Zogam ah Kawl galkapte Deihlo
Last Updated on Wednesday, 08 February 2012 14:12 Written by Admin Wednesday, 08 February 2012 13:59
I theihsa ciat om sa mah bangin Kawl Galkapte le CNF-te in kidonawnlohna dingin abeisa January 6,2012 ni-in thukimna suaikaikhin uh ahimanin Kawl Galkapte zong Zogam pan kihemkhia ta leh hoih ding hi, February 3, 2012 ni in ZNC in pulak hi. CNF tawh kilemna bawlkhin uh ahimanin Kawl galkapte Zogam ading akisapna om nawnlo hi. Mipi in zong hih vai ah CNF in Kawl galkapte tawh akiho ding uh tawsawn le uh hoih ding hi, ci’n Pu Kam Lian, (General Secretary- ZNC), Tedim in gen hi.
Pu Kam Lian genbehna ah Zogam sunga khuata mite in Kawl galkapte hangin haksatna tampi tuakkhin uh hi. Gentehna – zawhthawh tangtha, galkap phual lamna, singkung phukna, nekding piakna cbt, ci hi. Sumzong le khualzin mite kiangpan damiahtaihna mun pawlkhatte ah zong Kawl galkapte kihel uhi, ci hi. GS-pa genna ah Pu Mang dol ci-a akithei dolsingte zong Tedim khua ah phualsat Kawl galkapte in thukhun tawh kituaklopi’n phukin zuak uha 2005 kum ma-in hih dolsingte beisiang zo hi, ci’n mawh sak hi.
Ahi zongin Kawl galkapte Zogam pan koici kihemkhia ding uh cih bel ZNC in genbehna neilo hi. India lam ah zong ZRO in India kumpi tawh abeisa August 5, 2005 ni-in kidoloh nading thukimna suaikaikhin uhi. Ahizongin ZIA (Zomi Independence Army-ZIA) in adang Zomi kipawlnate tawh kibangin Kawl galkapte tawh kidoloh nading suaikai nuamlo uha, Kawl galkapte muang ngamlo ci uhi. Tua manin ZIA maban ahi " Zogam leitang ngah kik ma teng " cih bulphuh in mapang suak ding ci hi.
Source : Internet ( Original English)
Translated: Tongsan tanute
Subscribe to this comment's feedwritten by hermes birkin 30 , March 13, 2012
I very much like your work.I hope you can also see your share. Desire to is to present replica purses and handbags at very reasonable prices. Whether it be the purely delightful fake handbags or maybe stylish extravagance handbag or maybe other fake handbags connected with different companies, it isn't going to matter. Move your eyes, click here, here you will find your Damier Graphite Canvas and damier canvas speedy.
