CNF in Zampi le Bukphil ah phual satsawm ta
Written by Tongsan Tanute Wednesday, 08 February 2012 19:40
Zogam, Tedim Township le Tonzang Tsp., sungah CNF/A te in Liaison zum hong bawlsawmna tawh kisai-in, mipi in nasiatak kinial a Tedim le Tonzang gam sung a om Hausate kikaikhawm in deihlohna ( Nialna) nasiatak nei cih akizak kawm kalah February 8,2012 ni-in Bukphil le Zampi khuate ah phualsat veve dingin gamgi pan kuankhia ta cih kiza hi.
CNF/A pan galkap lam vaisaipi Col. Hrang Tin Thar leh ahuh pa Major Than Tun makai-in, CNF/A galkap pawl khat pen Zogam leitawm lam Paletwa, Thantlang gam sungah nungkal sung tengin lut ta uh ci'n CNF/A sungah thuzeekpihuh ( Assistant Secretary 1) Pu Paul Si Tha in genkhia hi. A mahin a genna ah, " Chin State thunei kumpi tawh thukimna om bangin Tedim, Thantlang, Paletwa gam huam sung khua mun 2 ah phualsat dingin a kithawi ta ka hi uh hi " ci-in pulak hi.
CNF/A te in abeisa kum 23 sung tawn tung Kawl kumpite a dona pan nung January 6, 2012 ni-in kilemna bawlin, Kawl kumpi tung pan a mau deihngetna nam 9 nei uh hi. Tua a ngetna uh nam 9 sungah Thantlang,Tedim le Tonzang sung tengah kizopna Liaison zum hon ding zong kihel ahi hi.
CNF/A galkapte pen Zogam leilu lam Zogam laihawl teng huamin, Zogam leitaw lamah khenthum in khen uh a, India-Kawl gamgi dungsuk teng ah agamtang phadiak uh hi. Tua banah January 18-2,2012 hun sung CNF/A galkap makai lamte khawmpi nei-in, tua lai mun panin, galkap khenpi 1, 2, 3 in kiphuah kik uh hi. "Ko pen munthum ah thakhat thu in phualsat ding ka hih uh hangin, kikawmna haksatna tuamtuam hang le, nek leh dawn ding akipan vanzat dingte apuakna haksatna hangin, anai penpen mun teelin phualsat akipankhia ka hi uh hi." ci'n vaipuak thunei khat in gen hi.
CNA phualpi pen Paletwa khuapi huam ah mun 3 hi a, Kungpyinkhua khawk uk, Patheitatlang khua khawk uk, Parakhua khawk uk, Thantlang gamsung ah mun 3, Tatlangpui khua khawk uk, Dawrn khua khawk uk, Zangtatlang khua khawk uk leh Tedim gam ading Zampi khua leh Bukphil khuate ahi hi. Thantlang le Paletwa ah CNA galkap phualsat ding in nialna om lo a, Tedim khuapi huam sunga om khuanu khuapate le Hausate in nasiatak nialna kinei hi.
Source: KNT
Translated: Tongsan Tanute
Subscribe to this comment's feedwritten by hermes crocodile birkin 35cm , March 14, 2012
I very much like your work.I hope you can also see your share. These types of replicas aren't that should costly. Handbag is among the accessories that designers desire to design. Move your eyes, click here, here you will find your louis vuitton stephen sprouse collection and Louis Vuitton Sobe.
written by pankhai , February 11, 2012
ahi thei bang in zokam (TEDIM)kam apau mipeuh mah in ,adeihlo bek hilo lo in,ihvekpi mah in kipumkhat in ih pan khop
ding kisam mahmah hi.hi cih koih hithiat kei ni.tulai tak in bang mah pi zong hong hih zo lokha ding hi.ahizong in hun hong pai
toding a asep na uh ahoih lo te mah hong zom veve ding uh hi. ih inn kuan sung,uleh nau sung.ih khua sung ,ih ih veng sung
mahmah ah thu hong vai hawm ding uh hi.tua hun ciang bang mah nialzo nawn lo ding hi hang.ahun laplai in kipawl khawm in
pang khawm ni.
written by ilovezomi , February 11, 2012
Ei e leh et bek tawh maw, zak na bek tawh maw ??mi ki pat khit zawh ah buai san"pan den keei......
written by Zam Thawng , February 10, 2012
Hi bang vai thupi hunah ZRA mi 1000 bang om i cih keei te ee bangmah sep sawm lo uh maw! Kumpi tawh vai bangmah geel lo uh maw! Mi neihsa teng sut aa, guta bang CNF/A te'n bangmah kuppihna omlo in hi bangin, hong hih suk ngawpna pen a kinial zolo ding dan maw! Ngaihsut phat huai sa ing.
written by tnlian , February 08, 2012
A sawtlo in Manipur a minam kibuaina Chin State ah ong tung ngelngel ding in lam en ing. Makai te in ih nakven mahmah ding kisam hi. CNF/A in Liaison zum Tedim, tonzang ah hong nuam in mipi in phal kei leh ??????????kinak buai mahmah ding hi.
