ZIUSA min tawh Zomi Nam Ni- 2012 khawlkik ding
Last Updated on Monday, 13 February 2012 18:43 Written by Admin Monday, 13 February 2012 18:37
Zomite minam kician khat i hihna ciamtehna ahi Zomi Nam Ni pen kum simin Zogam, Kawlgam le leitung mun tuamtuam ah thupi theithei in kibawl den hi. Tukum 2012 kum ciangin kum 64 cinna ding hi ta in, Zomite omna gam tuamtuam ah thupi theithei in kibawlsawm ciatin i kisa khengkhang hi. Tua bangin Zomi Nam Ni akibawlna sungah Zomi Innkuan USA te makaihna tawh tukum 2012 Zomi Nam Ni pahtawina pawipi pen Washington DC khuapi, Hotel thupi khatah nopcitak bawl ding uh a, Zongeina lam, Zolapite , Zawllate le gamitna lam ngumngek tuamtuam tawh zai ziahziah ding banah Kawl-an le Mang-an zong tawh lawmvakna nasiatak neih sawm cih kiza hi.
Zinmangpi ( Chief Guest) le thugenpi dingin Kawlgam pan Pu Chin Sian Thang ( President-ZNC) le Rev. Dr. S. Pau Khan En te sam uh a, Dr. Enno pen cidamlohna hangin pai thei lo ding vaikhakna nei ci hi. Pu Chin Sian Thang in ahih leh lawp takin sang pah bek tham loin, abeisa December 2011 akipan USA zintheihna ding akisam Kawlgam Passport laibute a siauhna ah Kawlgam kumpi thuneite in tuni dong ngah zolo ahih manin, Zomi Nam Ni hun lapin US zinthei nawn lo kha ding cih kiza hi.
Zinmangpi (Chief Guest) ding a kisam Pu Chin Sian Thang in zong pawipi sungah a suut ding thu leh la tampi gualgual khin zo bek tham loin, USA ah Kawl gam mualtung mite dinmun leh mabante, Zogam leh Zomi-te dinmun leh mabante, ZNC party dinmun leh mabante tawh kisai vai tampi hawm dingin kigingkhol dimdem ahih manin, a zintheih loh pen US gam a om Zomite bek hi loin, leitung mun tuamtuam a Zomite khempeuh i supna lianpi khat hi dingin kilamen hi.
Tua hi a, Pu Chin Sian Thang in tutung USA a zinthei hi zen le Zomite gamdang lalna hunpi sungah Zomi makai khat US gampi a zin masakna pen hi kha mai ding banah Zomite tangthu laimal thak akigelh thei ding zong suak ahih manin, Pu Thang bek asumh hi loin, i minam buppi supna lianpi khatin kingaihsun hi. Tua ahih manin, Zomi Innkuan USA kipawlna innteekna tawh 2012 Zomi Nam Ni Pahtawina Pawipi bawl ding vai pen, haksatna tuamtuam hangin a kibawl zo nawn lo dingin ZIUSA EC pawlin Board of Directors pawlte tungah pulakna nei cih kiza hi.
Executive Committee
Zomi Innkuan USA tang' in,
GSKhup
(Go Sawm Khup, Pa), President
Source: Cinpu Zomi's Facebook
Subscribe to this comment's feedwritten by lv monogram rayures , April 28, 2012
At this point is when cheap chanel handbags creep into picture. gucci clutches bags can be chic, and provide products in superior high-quality at more inexpensive prices.
written by Tuangkim , February 16, 2012
EKTUM aive
Chin Sian Thang leh Pau Khan En hanga khawl leltak cih peuh mah.
written by cute , February 15, 2012
Minam ni bawl ding ki zom suakin, zaktak Sia te thugen na hin a piang theilo a ki khon hi zaw leh hoih ding hi cen ma te,US om ci in kong muang mahmah uh gam leh minam a ding a nung kik hetlo ding a kong lamet uh hi ven maw
