zomi aw lung lau ken!

NEWS Zomi News Pu Chin Sian Thang in ZIUSA Khawmpi sim Ding
BLUE GREY RED

Pu Chin Sian Thang in ZIUSA Khawmpi sim Ding

PDFPrintE-mail

Photo: Zomi Innkuan USATaangkonaZomi Khawmpi USA 2012 pawipi asiim ding leh, Zinmangpi (Guest of Honor) dingin Zomi Innkuan USA kipawlna in asap, Pu Chin Sian Thang in US zin theihna ding Visa hong ngahta ahih manin lungdamna thu ka hong taangko uhhi. Pu Chin Sian Thang in Zomi Forum hun sung ah Zomi-te gam leh minam tawh kisai thugenna hun hong zang ding hi.Zomi-te sung ah Minam Suahtakna Bukim ngahna ding, Minam buppi kigawmkhop theihna ding in a hanciam tawntung, Pu Chin Sian Thang leh Pu T. Gou Gin (hong nusiakhin) pen Zomi Khawmpi sung ah “Zomi National Freedom Award” kipia ding hi.Pu Chin Sian Thang cidam in US leitang ahong sik theihna dingin ahong khaktan thei thu tampi om thei ban-ah, Vanleng letmat a kipan a kisam tampi om ahih manin, akua mahpeuh in thungetna tawh ma ih pankhop ding hong kicial hi. Sum leh paai tawh apangkhawm nuamte zong zahtakna tawh hong kizawn hi. Pu Chin Sian Thang cidam in ahong zin theih a leh, US gam sung ah ih gam leh ih minam ading vai tampi hawm ding kigeel hi. Ama cidamna mahmahzong kisitsak in ahi thei zahin kibawlsak dingin kigeel hi. Thungetna kisam mahmah hi.Zomi Khawmpi USA hita leh, pawi tuamtuamte hita leh, Zomi Forum vai hita leh, picingtak in vaihawm a, nawngkaina bangmah omlo lawhcinna a omna dingin akua mahpeuh (Zomi a it akua mahpeuh) pangkhawm ding hihang ci-in, hong cial phapha ingh. Ih minam sung ah khat leh khat kilangpanna lam ah ih hanciam sang’in pankhop theihna ding hanciamna lam ah kisin ni ei.Hih vaite tawh kisai a kician in a theinuamte in Zomi Innkuan USA kipawlna makaite tung kikan thei ding hi.Go Sawm KhupPresidentZomi Innkuan USAJune 27, 2012

Zomi Khawmpi USA 2012 pawipi pen July kha sungin Tulsa khuapi, OK., USA ah thupitak kibawl dinga Zinmangpi (Guest of Honor) dingin Kawlgam pan Pu Chin Sian Thang ( President of ZNC) pen Zomi Innkuan USA min tawh kisam bek tham loin, American Embassy,Yangon pan US Visa ngah ta cih kiza hi. Zomi Innkuan USA Khawmpi sungah Zomi tawh kisai Holimna (Zomi Forum) zong kinei dinga, Pu Chin Sian Thang in Zomi-te gam leh minam tawh kisai thugenna nei ding cih ZIUSA makaite tung pan kizasawn hi. Zomite sungah Minam Suahtakna Bukim ngahna ding le kipumkhatna ding lunggulhna tawh gentheih haksatna tampi thuakin ahanciam tawntung Pu Chin Sian Thang leh Pu T. Gou Gin (hong nusia khin) pen Zomi Khawmpi sungah “Zomi National Freedom Award” kipia ding cih thu kiza hi.

Pu Chin Sian Thang cidam in US leitang a siktheih mateng a khaktan thei thu tampi om thei lai banah, Vanleng letmat a kipan a kisam tampi te ah buaina le nawngkaina bang mah om lohna ding Zomi khempeuh in thungetna le Sum leh paai tawh mapanpih ciat dingin ZIUSA in thacialna nei uh hi. Tua banah Pu Chin Sian Thang in USA cidam in a tuntheih le gam leh minam vaihawmna tampi aneih sawm banah amahmah cidamna lam zong Kivel/ kisitsak ding geelna nei cih zong kiza ahih manin, akua maciatin panpih huai mahmah ding cih kiza hi.

Tua banah Zomi Khawmpi USA vai dingin tulaitak ZIUSA makaite in geelna le vaihawmna nasiatak nei uh a, US gam sung pan le mun tuamtuam pan pawisim ding mimal sazian zong 1000 val kingah khinta cih kiza hi. Zomi Khawmpi USA vai tawh kisai a kician zaw a theinuamte in Zomi Innkuan USA kipawlna makaite tung kikan thei ding cih kiza hi.


Source: GZA Facebook


Reported by:

Go Sawm Khup
President
Zomi Innkuan USA

Comments/Ngaihsutnate (6)add comment
...
written by replica alain silberstein watches , October 08, 2012

replica alain silberstein watches
A perfect person: doesn’t smoke, doesn’t drink, doesn’t cry, doesn’t fail, and doesn’t exist.

report abuse
vote down
vote up

Votes: +1

...
written by water ozonator , July 25, 2012

water ozonator

report abuse
vote down
vote up

Votes: +0

...
written by welder replica , July 02, 2012

I am benefit a lot welder replica
report abuse
vote down
vote up

Votes: +0

...
written by Zosuum , June 30, 2012

USA ah a om, a teng thei, pawi a sim zo teng in zong koi mah ah kalsuan zo lo, a zawng khal kawlgam, zogam a na sanggam te, no ngah loh privileged a ngah zo nai lo na u leh nau te ni khat ( a diak diak in na nop sak hun le na tangah hun )zong hong mangngilh kei un la. Dahna Nuamna ah hong phawk den un la, thu hong nget sak den un la, Huh theih na, gel theih na tuam tuam tawh hong angvan den un ci in Kawlgam Zogam a zomi buk tang in kong thum hi.
report abuse
vote down
vote up

Votes: +0

...
written by Rev. NL Kap , June 30, 2012

Pu Thual Zen zong mang ngilh kei ni. asih dong Kawlte' Ukna deih keng aci kilkel Zomi Azani Taktak hi.
report abuse
vote down
vote up

Votes: +1

...
written by Tg.Dalkhek , June 29, 2012

Lungdam mahmah in Topa min ih phat hi. Hun leh vai khempeuh zong Topa'n hong kal suan pih to to nang thungen tek ni cin ki han thawn hang.
report abuse
vote down
vote up

Votes: +2


Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 929 guests online
Joomla Templates and Joomla Extensions by ZooTemplate.com