zomi aw lung lau ken!

NEWS Zomi News Rev. Pau Khan Khai in Malaysia ah Crusade Bawl Ding
BLUE GREY RED

Rev. Pau Khan Khai in Malaysia ah Crusade Bawl Ding

PDFPrintE-mail

DSCN9727Malaysia gam a om Zomi pawlpi khat ahi Manna Zomi Christian Church te sapna tawh Rev. Pau Khan Khai (Church Pastor Bethel Zomi Baptist Church, Kalaymyo and President ZBCM)  leh alawmpa  Rev. Kai Go Mang (Evangelist of Galilee AG, Kalaymyo) te hong tung ding May 16-18,2013 sung Chinese Assembly Hall ah Crusade bawl dingin sam uh cih kiza hi. Tua lai-ah sun sung thusinna le nitak simin gupna thu tangkona nei ding uh a,thusinna ah thubulphuh dingin " Amanpha mahmah Na Kha Don In" cih zangh dinga, nitak ading in " Lamet Ngamloh Thupha " cih thubulphuh nei ding ci hi.

Rev. Pau Khan Khai pen Zogam leh Zomi te  itna leh lainatna tawh  Zosiam Nasepna a pankhia hi-in, Zogam khua tuamtuam ah nasepna tampi nei khin hi. Tutung Malaysia gam a om Zomite in Topa thu sungah nuntakna thak a ngahna ding le thupha ngahbehna ding lunggulhna tawh tutung Crusade thupitak abawl sawm uh cih kiza ahih manin akua maciat in thungetna phawk ciat ni. Crusade man khit ciangin Zomi pawlpi tuamtuam ah Gopsel pai kawikawi ding zong geelna nei uh ci hi.

Sia Pau Khai te lawmta in May 10,2013 ni-in Malaysia Visa ngah uh a, May 13,2013 ni ciangin Yangon pan Kualalumpur zuan ding uh cih Yangon Tongsan Reporter tung pan kizasawn hi.Tua banah Sia Pau Khai pen tulaitak Kalay GZA Local Committee ah President le Finance Secretary banah ZYA,ZOFA le Zomi Siamsinte ah Advisor sem hi. Pasian le mai lam Zomite ading Vision lianpi aneikhat zong ahi hi. Hih a sunmang (Vision) te Pasian in a lamdang in gualzawhna a piakna ding thungetna le sum le pai tawh mapanpih ciat ni.

A diakdiak in Zosiam nasepna sungah tuni ciangciang Siavuan 10, Siamah 5 leh Lasa siam pawlkhat tawh kithuah in Zogam  khua 89 sungah cina  9952 te tungah itna tawh akhawnkhong in damna thu puak khinta hi. Tukum 2013  kha 4 sungin Zogam ah  8 vei Crusade bawl in zinkhin ta a, Zogam adung avai ah itna leh lainatna tawh  Khathu leh taksa khantohna ding thu gen in lawhcing mahmah hi. Holyland  DVD hongbawl in Zomi te mit hong vaak sak tuam mahmah hi. Tutung Siapa Crusade bawlna dingte zong Topa kha in lawhcinna lianpi na musak hen cih Tongsan Media pan thupha i paih hi.

Reported by Tongsan Reporter, Yangon

 

 

Comments/Ngaihsutnate (0)add comment

Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 437 guests online
Joomla Templates and Joomla Extensions by ZooTemplate.com