sideBar



zomi aw lung lau ken!

NEWS
BLUE GREY RED

News

Chin Party teng Kimuhna ah ZCD Pailo

PDFPrintE-mail

Last Updated on Wednesday, 25 March 2015 23:53 Written by Tongsan Admin Wednesday, 25 March 2015 20:33

11083936 366740746848600 3176948404126497871 n
Hong tung ding Kawlgam kiteelpi 2015 ciangin Zogam (Chin State) ah Zogam kumpi neih zawhna ding le mai lam Zogam Political kalsuanzia tawh kisai manawt zawkna ding lunggulhna tawh Chin political party tuamtuamte kimuhkhopna (Family of Political Parties) min pua in Party 10 te'n March 20,2015 ni-in Summit Parkview Hotel, Yangon ah Meeting nei khawm uh cih kiza hi. 
 
Tua kimuhkhopna sungah Chin party te le mualmipih party khempeuh kipawlin, Union Parliament ah Vice President khat koih zawhna dingin khauhtak dinkhop theihna ding ngimna kinei ahihna thu Chin National Democratic pary makaipi Pu Zozam in genkhia hi. Zogam ah USDP pen a thahat pen le Kumpi asep laitak uh hi a, ahi zongin tuni ciangciang Union budget kipiasate zeek theilo dinmun ah om uh ahih manin Zogam khangto thei tuanlo ahihna thu Pu Zozam in genbeh hi. Tua Chin party 10 te' kimuhkhopna ah Zomi Congress for Democracy (ZCD) kihello cih kiza hi.
 
Source: Kamayut Media
 

A 2 Veina ZTK Khawmpi Tangkonna

PDFPrintE-mail

Last Updated on Wednesday, 25 March 2015 18:49 Written by Tongsan Admin Wednesday, 25 March 2015 18:09

10887147 463595457127429 3023626022891919471 o

A (2) veina Zosuan Tuailai Khawmpi (ZTK)pen April 23-26,2015 sung Zogam,Tedim khuapi ah kinei dinga, sim le mal le tuipi gal pan Zosuan Khangno khempeuh kipai ding cih Zomi Innkuan Singapore in tangko khia uh hi. Tua laiah " A bucing Khantohna Ah " (Unity and Holistic Development) cih thupi in kinei ding hi.  Hih khawmpi hun ma deuh April 14-22, 2015 sung teng Tan 10 nuai siah khangnote Manglai sinna kinei dinga, India lam pan Zomi University sangnaupangte in hilh ding uh hi. A sin nuam khempeuh lutman kila lo ding cih kiza hi.

Source: Executive Committee (ZIS)

 
 

Germany Vanlengpi khat Kia

PDFPrintE-mail

Last Updated on Wednesday, 25 March 2015 17:54 Written by Tongsan Admin Tuesday, 24 March 2015 21:34

d-aiqd-germanwings-airbus-a320-211-gestartet-70509

Khualzin mi (passenger) 144 le vanleng nasem 6 akigawm vekpi mi 150 tuanna Germany te' neihsa Germanwings Airline, 4U 9535- Airbus 320 khat pen March 24,2015 ni-in Spain gam Bacelona khuapi pan Germany gam Dusseldorf khuapi zuan alengkhia kim lai Piantit gam leitaw lam Digne-les-Bains khuapi kiang Ferch Alps mualkuam ah kia-in, vanleng a them aneng suakin mite zong zancip mang cih kiza hi. Passenger sungah Germany gammi 67 leh Spain 45, le Belgian 1 kihel-in,tua sungah naupang 16 kihel ci-in Spain thuneite in gen hi.

Vanleng tuahsiatna tungtang ah Piantit President Mr. Francios Hollande in Dahpihna pulak bek tham loin, Spain le Germany gam makaite zong zasak pah hi. Vanleng kiatna mun pen tuipi pan pi 6000', (meter 2000) asanna mualsang kuampi vuuk (Snow) tam mahmahna le kuama tun zawh mengmeng lohna mun mualsang kuam thukpi khat ahih manin, misi luangte lakna ding zong haksa mahmah ci-in, Reuters News in gen hi. Hih Germanwings Airline pen leitung ah Airline minthang khat ahi Germany gamte' neihsa Lufthansa Airline khut nuai a om airline khat ahi hi. 

Source: BBC News

Posted: Tongsan tanute

PAY-Germanwings-crash

 

 
 

Page 3 of 711

TONGSAN Video

TONGSAN Photo Gallery

TONGSAN Weekly Journal

Who's Online

We have 321 guests online
Joomla Templates and Joomla Extensions by ZooTemplate.com